Luc. 18:16 - Manobo Sarangani

¹⁶ Meneng tinawal i Jesus se kedita dan diyà kandin, aw minikagi sikandin, “Ikà niyo egsagda kandan, so lomowan se Timanem diyà te otaw ontò somalig diyà kandin iling te pegsalig te mengisù diyà te amay aw inay dan.

Luc. 18:16 ပူးပေါင်းရင်းမြစ်များ

1 Korinto 14:20

Menge kedowa ko, ikà niyo eg-iling te mengisù wedad inenengen. Pengkey mèpiya aw iling kaw te mengisù wedad toig meg-inang te salà, meneng diyà te aneng-aneng niyo, pekitai niyo te metesan kaw den.

1 Korinto 7:14

so aw egpemenal se sebad otaw, kenà mediyò lekat te Timanem se esawa din wedà pemenal. Iling heman kenyan se menge batà dan, so medapag dan diyà te Timanem. Kenà dan iling te batà te otaw kenà egpemenal.

1 Pedro 2:2

Keilangan gayed kaw meg-iling te ontò kagi te Timanem, iling te deitek batà gayed egkeibeg somoso. Pineokit te peg-iling niyo te kagi te Timanem, megketesan se pegsalig niyo diyà kandin,

Ininang 2:39

Migpakang se Timanem te ibegay din se Espiritu Santo diyà kenyo, aw diyà te batà niyo, aw diyà te otaw mediyò, so ibegay din diyà te kedita te otaw tewalen din.”

Genesis 21:4

Pegdateng te ikewalo te aldaw lekat te pegtebaw i Isaac, tinolì sikandin i Abraham iling te impunù te Timanem kandin.

Mat. 19:14

Meneng minikagi si Jesus, “Ikà niyo egsagda kandan, so lomowan se Timanem diyà te otaw ontò somalig diyà kandin iling te pegsalig te mengisù diyà te amay aw inay dan.”

Luc. 18:15

Nayan, doen menge otaw nengibing te dedeitek mengisù doton ki Jesus amon pemàdan din dan, aw megtawal-tawal te begayan dan te Timanem te mèpiya. Meneng pegkità te menge tinoledaan din kenyan, migsagda dan kandan.

Luc. 18:17

Eneng-enengi niyo se kagi ko seini. Aw eked salig se otaw diyà te Timanem iling te pegsalig te mengisù diyà te amay dan, eked sikandin sekopi te Timanem diyà te peglowan din.”