Luc. 18:14 - Manobo Sarangani

¹⁴ Na, penenalan kaw te kagi ko. Peg-olì te iskribinti sìyan, pigwedad den te Timanem se salà din. Meneng se Parisiyo, wedà pegwedadi te Timanem se salà din. Inangen te Timanem medanà se kedita te otaw egpelangkaw-langkaw, meneng inangen din melangkaw se kedita te otaw egpedanà te kandan pegkeotawun.”

Luc. 18:14 ပူးပေါင်းရင်းမြစ်များ

Luc. 14:11

Aw megpelangkaw-langkaw se otaw, meinang sikandin medanà. Meneng aw megpedanà se otaw te kandin pegkeotawun, meinang sikandin melangkaw.”

Luc. 16:15

Meneng minikagi si Jesus, “Sikiyo se egpelingo-lingo te metòlid se eg-inangen niyo, meneng netaga-taga se Timanem te medaet se pedowan niyo. Pengkey megpelangkaw-langkaw kaw, meneng ontò iyan medaet diyà te Timanem.

Santiago 4:10

Aw megpedanà kaw te pegkeotawun niyo diyà te Pengolo, tebangan kaw din aw ipelangkaw din heman se kenyo pegkeotawun.

Mat. 23:12

Aw megpelangkaw-langkaw se otaw, meinang sikandin medanà. Meneng aw megpedanà se otaw te kandin pegkeotawun, meinang sikandin melangkaw.”

Santiago 4:6

Meneng doen heman tabang din kenitadon, so doen kagi din insolat, “Se otaw megpelangkaw-langkaw, yan se otaw keopalan te Timanem. Meneng se otaw egpedanà te kandin pegkeotawun, yan se otaw tebangan te Timanem.”

Luc. 1:52

Ebaten din se melangkaw selotan lekat te onsedanan dan te peglowan, aw inangen din melangkaw se menge otaw medanà.

Mat. 5:3

“Doen keluba te kedita te otaw netaga-taga te eked dan pekeinang te mèpiya singed aw tebangan dan te Timanem, so sekopen din dan diyà te peglowan din.

Galasya 2:16

meneng netegahan day den te wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises, so olò otaw memenal ki Jesu Cristo se eneng-enengen te Timanem te metòlid dan. Yan se doun te nemenal kay ki Jesu Cristo amon meg-aneng-aneng se Timanem te metòlid kay pineokit te pegpemenal day kandin, so wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises.

Roma 4:5

Iling heman kenyan, kenà otaw egkepagod se eneng-enengen te Timanem te metòlid sikandin. Meneng aw somalig se otaw diyà te Timanem, te sikandin se meg-aneng-aneng te metòlid se otaw nekesalà, yan se otaw eneng-enengen te Timanem te metòlid tandà te pegsalig din.

Roma 3:20

Yan se doun te wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises, so pineokit te pegketaga-taga tadon te menge punù ingkeliwat i Moises, netegahan tadon te salà se eg-inangen tadon.

Luc. 10:29

Meneng ibeg te otaw sìyan, ipetaga-taga din te metòlid se eg-inangen din, aw yan se doun te mig-insà sikandin, “Sinu lay se doma otaw keilangan kedekelan ko te pedowan?”

Roma 8:33

Wedad palos mekeikagi te doen pa salà tadon. Pinemallì kidon te Timanem aw sikandin se mig-aneng-aneng te metòlid kidon.

Roma 5:1

Nayan, so netegahan tadon den te inaneng-aneng den te Timanem te metòlid kidon tandà te pegpemenal tadon ki Jesu Cristo, wedad den ikeopal te Timanem kenitadon. Migsebad kidon diyà te Timanem pineokit te pegkematay te Pengolo tadon si Jesu Cristo.