Luc. 18:13 - Manobo Sarangani

¹³ Meneng pegtawal-tawal te iskribinti, migpekediyò sikandin diyà te menge doma otaw so neyàyà. Wedà heman lengag doton te langit, meneng timikelong sikandin aw dinapì din se kagpa din tandà te pegselsel din, aw minikagi, ‘Timanem, keidowi a bag, so nelegeb a te salà.’

Luc. 18:13 ပူးပေါင်းရင်းမြစ်များ

1 Timoteo 1:15

Benal se eg-ikegiyen seini, aw keilangan ontò tadon pemenalen. Dimini si Jesu Cristo te keneyonan amon megpelowà te otaw lekat te salà sipat siak ontò medaet diyà te kedita te otaw nekesalà.

Luc. 23:48

Nayan, se kedita te otaw netipon kidoen, pegkità dan te kedita niyan neinang, migsiolì dan aw dinapì dan se kagpa dan tandà te lano dan.

Menge Hebreo 8:12

Keidowan ko dan, aw pegwedaden ko se salà dan. Eked a palos peg-aneng-aneng tepad te salà ininang dan.”

Ininang 2:37

Pegdineg te menge otaw te inikagi i Pedro, ontò neantag se pedowan dan. Mig-insà dan ki Pedro aw doma sogounun i Cristo, kagi dan, “Elew, megmeno kay?”

Menge Hebreo 4:16

So doen Telekagon tadon, yan se doun te eked kidon sagkà te peg-apot tadon diyà te Timanem gayed egpenabang, amon keidowan kidon din, aw amon tebangan kidon din aw doen kelimahan tadon.

Roma 5:8

Meneng impetaga-taga te Timanem kenitadon te ontò dakel se pedowan din kenitadon, so dalem pa te eg-inang kidon te salà, insogò din si Jesu Cristo aw inimetayan sikandin amon megpelowà kenitadon lekat te pelumun.

Luc. 5:8

Si Simon, se doma ngadan din si Pedro, pegkità din kenyan, limongken diyà ki Jesus aw minikagi, “Pengolo, kesayo ka lekat kanak, so nelegeb a te salà.”

2 Korinto 7:11

Meneng eneng-enengi niyo ini. Mèpiya diyà te Timanem se pegkelidò niyo, so lekat niyan ontò niyo impekità te netodà den se eg-inangen niyo, so ontò kaw neopal diyà te otaw doton kenyo mig-inang te medaet, aw nelemitan kaw aw ipelumun kaw. Ontò kaw egkeibeg te todà megsebad se pedowan tadon, aw megtabang kaw heman kanak. Impelumun niyo den se sìyan otaw nekesalà kidoen. Tandà te kedita te ininang niyo, wedad den isila ko kenyo.

Mat. 9:13

Keilangan eneng-enengen niyo aw eden se kedegdagan te kagi te Timanem seini, ‘Pengkey measeb kaw egpemegay te bowang diyà kanak, meneng labi a pa meluba aw megpeidoway kaw.’ Insogò a dini kenà amon tewalen ko se otaw eg-aneng-aneng te metòlid se eg-inangen dan, meneng insogò a dini amon tewalen ko se otaw mekesesalà.”

Luc. 17:12

Pegdateng din doton te sebad baryo, nesongonan sikandin te sempolò otaw tompigun. Pengkey mediyò dan pa,

Mat. 6:5

“Aw megtawal-tawal kaw diyà te Timanem, ikà niyo eg-iling te otaw eden dan aw egpenimanem dan, so egkeibeg dan egtawal-tawal doton te simbahan aw doton heman te dalan amon kitaen dan te menge doma otaw. Meneng eneng-enengi niyo se kagi ko seini. Wedad palos ontong ibegay te Timanem kandan.

Mat. 10:3

aw si Felipe, si Bartolome, si Tomas, si Mateo sìyan iskribinti, aw si Santiago batà i Alfeo, si Tadeo,

Mar. 11:25

Aw megtawal-tawal kaw, aw doen salà ininang te doma otaw diyà kenyo wedà niyo pa pegwedadi, pegwedadi niyo iyan amon pegwedaden heman te Timanem se salà ininang niyo diyà kandin. [

Luc. 22:41

Penga niyan, dimeleg si Jesus te kenà mediyò. Limongken sikandin aw migtawal-tawal, kagi din,