Luc. 17:29 - Manobo Sarangani

²⁹ Meneng aldaw te pegkesayo i Lot lekat te Sodoma, negelà se kedita te doma tege Sodoma, so nematay dan te apoy aw esopri nedagdag lekat te langit.

Luc. 17:29 ပူးပေါင်းရင်းမြစ်များ

Impekità 11:8

Penga niyan, isawol se lawa dan nematay kidoen te kersada te lonsod nedengeg nemetayan te Pengolo dan inlansang diyà te kros. Kidoen te tegdeyanan tepad te lonsod sìyan, iningedanan iyan Sodoma aw Ehipto.

Judas 1:7

Eneng-enengi niyo heman tepad te menge tege Sodoma aw tege Gomora aw menge doma otaw mig-ogpà doton te menge lonsod medapag kidoen. Medaet heman se ininang dan, so migkapoy dan. Kenà olò bayi se lineyokan dan meneng limayok dan heman te doma dan meama. Ipelumun dan te Timanem te apoy eked palos kepadeng amon melemitan kidon meg-iling kandan.

2 Pedro 2:6

Gebii, impelumun heman te Timanem se tege Sodoma aw tege Gomora tandà te medaet ininang dan. Tigkan din dan sinonog sipat lonsod inogpaan dan amon metaga-taga se kedita te otaw aw eden se detengan te otaw egpekesalà.

Luc. 17:28

Wedà heman peketagad se otaw gebii dalem te peg-ogpà i Lot doton te Sodoma. Gayed dan heman egpengaen, aw eg-inem dan, aw egbayad dan, aw egpemeligyà dan, aw egpenanem dan, aw eg-inang dan te balay.

Luc. 17:30

Kesàban heman iling kenyan se otaw kenà egpeketagad te aldaw aw ipekità a Timanem Migpekeotaw.

Impekità 14:10

ipesipat kaw heman diyà te otaw ipelumun te Timanem, so neketagad den sikandin megpelumun te wedad keido din. Dalem te pegtonggò te Karniro aw menge anghil te Timanem, ipelumun te Timanem se otaw te apoy aw esopri.

Impekità 19:20

Pegbolaw dan, dinakep se menenanap mebolot. Dinakep heman se telekeliwat te kebolalaw, sìyan tapay mig-inang te menge kepelahan pineokit te tolos te simogò kandin, amon meg-akal te kedita te otaw pinengilelaan te menenanap mebolot aw otaw migsimba te inotaw impeinang din. Penga niyan, in-agbel se menenanap aw telekeliwat din doton te lanaw apoy doen esopri eglegdeg.