Luc. 17:24 - Manobo Sarangani

²⁴ so ontò metaen se peglikò ko iling te kilem ontò somiblat doton te kebelad te langit aw kitaen te kedita te otaw. Iling heman kenyan se pegdateng ko Timanem Migpekeotaw.

Luc. 17:24 ပူးပေါင်းရင်းမြစ်များ

Mat. 24:27

so ontò metaen se peglikò ko iling te kilem ontò somiblat doton te kebelad te langit, aw kitaen te kedita te otaw. Iling kenyan se pegdateng ko Timanem Migpekeotaw.

Mat. 24:30

Penga niyan, ipekità ko se pengilala doton te langit te agpet a den lomikò Timanem Migpekeotaw. Megkelag se kedita te otaw te keneyonan tandà te lamit dan, so komità dan te pegdateng ko aw lomikò a Timanem Migpekeotaw tekingan te labon lekat te langit. Komità dan te metolos a aw ontò a melangkaw.

Mat. 25:31

“Aw lomikò a Timanem Migpekeotaw amon lomowan a, tekingan a te kedita te anghil. Penga niyan, menenoo a kidoen te melangkaw onsedanan te peglowan amon meg-okom a te kedita te otaw

Mat. 26:64

Minikagi si Jesus, “Benal se inikagi nikaw. Mikagi a den kani diyà kenyo. Te eked kenamay, komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Mat. 5:15

Aw menemtem se otaw te solò, eked din iyan sengkobi te gentangan. Meneng mèpiya aw isawol din iyan diyà te kelengkawan amon keenyagan se didalem te balay.

1 Korinto 1:8

Sikandin se megpekagsen te pegpemenal niyo amon wedad salà kitaen din diyà kenyo aw lomikò se Pengolo tadon si Jesu Cristo.

1 Tesalonika 5:2

so ontò niyo den netegahan te domateng se aldaw te peglikò te Pengolo tadon iling te pegdateng te menenakaw te tengà te delem aw wedad egpeketagad.

2 Tesalonika 2:2

te keilangan eked pegkebulung se aneng-aneng niyo te pegdineg niyo te dimateng den ekon se aldaw te peglikò te Pengolo tadon. Ikà niyo egketetana pengkey doen otaw mikagi te yan se impekeliwat te Timanem kandin, pengkey doen otaw egtoladà kenyan, aw pengkey yan ekon se insolat day.

2 Tesalonika 2:8

Meneng aw kitaen se Olo te Medaet, imetayan sikandin te Pengolo tadon si Jesus te pegdateng din. Olò din edopen se Olo te Medaet, aw yan matay sikandin aw kebàtan se eg-inangen din.

Santiago 5:8

Keilangan melayat heman se kenyo pedowan. Pegpekagsen kaw, so lomikò se Pengolo te eked kenamay.

2 Pedro 3:10

Tomanen te Pengolo tadon se pakang din. Iling te pegdateng te menenakaw se peglikò te Pengolo tadon, so wedad otaw metaga-taga aw kano likò. Aw domateng se aldaw sìyan, dinegen se logo-logo, so megkewedad se langit. Mesonog heman se aldaw, aw bolan, aw menge bitoen, aw megkewedad se kedita niyan. Tomalag mesonog se tanà aw kedita te ininang dini lanto te tanà.