Luc. 17:1 - Manobo Sarangani

¹ Minikagi si Jesus diyà te menge tinoledaan din, “Doen gayed mekebaet te pegpemenal te kedita te otaw, meneng mekelelayò se otaw eg-inang kenyan, so ontò sikandin ipelumun.

Luc. 17:1 ပူးပေါင်းရင်းမြစ်များ

Mat. 18:7

Mekelelayò se kedita te otaw, so doen egpekebaet te kandan pegpemenal. Doen gayed mekebaet te pegpemenal te kedita te otaw, meneng mekelelayò se otaw eg-inang kenyan, so ontò sikandin ipelumun.

1 Korinto 8:13

Yan aw mekesalà se kedowa ko pineokit te pegkaen ko, yan se doun te eked a den palos kaen te pengelapen imbegay diyà te inotaw, amon eked sikandin pegkedaet pineokit kanak.

Roma 14:13

Yan ikà niyo egsila te ketanem egtekingan te menge doma sakop i Cristo. Meneng keilangan eneng-enengen niyo tepad te ketanem egtekingan niyo amon eked kedàti se menge doma sakop i Cristo tandà te eg-inangen niyo, aw amon wedad heman otaw meboyo meg-inang te salà.

1 Korinto 11:19

Doen kèpiyaan aw wedà pegsebad se pedowan niyo, so pineokit kenyan, ketegahan aw sinu se egtaking te kebenalan.

Roma 16:17

Menge kedowa ko, peg-ahà kaw te menge otaw egbaet te pegsebad te pedowan niyo aw egbaet te pegsalig niyo diyà ki Cristo, so kenà iling kenyan se kebenalan intoladà day kenyo. Ikà niyo egtaking kandan.

Mat. 16:23

Meneng miniling si Jesus, aw minikagi diyà ki Pedro, “Kesayo ka lekat kanak. Iling ka ki Satanas, so mekeanggà ka kanak. Kenà lekat te Timanem se ibeg no sìyan, meneng lekat iyan te aneng-aneng nikaw.”

1 Korinto 10:32

Keilangan mèpiya se kedita te eg-inangen niyo amon eked pegkedaet se pedowan te doma otaw, pengkey Judiyo aw kenà Judiyo, pengkey otaw egpemenal te Timanem.

Impekità 2:14

Pengkey induyun ko sikiyo, meneng netegahan ko heman te doen medaet eg-inangen niyo, so doen otaw doton kenyo egtaking te kebolalaw intoladà i Balaam gebii. Migtoladà si Balaam ki Balak te peokit te pegboyo din te menge bowad-bowad i Israel amon lomengà dan te pegtaking dan diyà te Timanem. Binoyo din dan amon komaen dan te pengelapen imbegay diyà te kenà benal timanem, aw amon lomayok dan te kenà kandan esawa.

Impekità 2:20

Meneng netegahan ko te doen heman medaet eg-inangen niyo, so mepakay diyà kenyo aw toledaan kaw te bayi si Jesebel egpelingo-lingo telekeliwat te kagi te Timanem. Egboyo sikandin te menge sakop ko pineokit te pegtoladà din te mepakay aw lomayok dan te kenà kandan esawa, aw komaen dan heman te pengelapen ipegpemegay diyà te kenà benal timanem.

Luc. 16:31

Minikagi si Abraham, ‘Aw eked dan penenalan te punù ingkeliwat i Moises aw menge telekeliwat te kagi te Timanem, eked dan heman pemenal pengkey doen meantay lekat te nematay.’”

1 Timoteo 4:1

Mebangal se intoladà te Espiritu Santo te doen menge otaw somoway lekat te pegsalig dan ki Cristo aw agpet se temanan te keneyonan. Meneng tomolò dan te bosaw biyasa eg-akal, aw memenal dan te kebolalaw itoladà te bosaw.