Luc. 16:8 - Manobo Sarangani

⁸ Nayan, pengkey migtostos se sineligan te salà te otaw diyà te amo din, meneng dimuyun se amo kandin, so biyasa sikandin miglalang te kèpiyaan. Pengkey biyasa se menge sakop te Timanem egpengabat te ontong, meneng labi pa biyasa egpengabat te ontong se menge otaw kenà egtaking te Timanem.”

Luc. 16:8 ပူးပေါင်းရင်းမြစ်များ

1 Tesalonika 5:5

So sakop kaw i Cristo, sikiyo se otaw te kelowahan aw aldaw. Kenà kidon otaw te delem aw kengitngitan.

Efeso 5:8

Kedengan, diyà kaw te kengitngitan, so wedà kaw pa ketaga-taga tepad te Timanem. Meneng songkani diyà kaw den te kelowahan, so migpesakop kaw diyà te Pengolo tadon. Yan keilangan imendayan niyo se keogpà niyo diyà te kelowahan.

Luc. 16:10

Aw keseligan se otaw pengkey deitek se isalig diyà kandin, keseligan heman sikandin aw dakel se isalig diyà kandin. Meneng aw eked keseligi se otaw aw deitek se isalig diyà kandin, eked heman sikandin keseligi te dakel.

Juan 12:36

Meneng dalem te doen pa kelowahan dini kenyo, keilangan tomaking kaw te kelowahan, amon meinang kaw sakop te kelowahan.” Penga te peg-ikagi i Jesus kenyan, nesayo kidoen aw mineles.

1 Juan 3:10

Seini se pengilala amon ketegahan tadon aw sinu se menge batà te Timanem aw menge batà i Satanas. Aw doen otaw kenà metòlid se eg-inangen din aw wedad kedakel te pedowan din te menge doma otaw, yan se otaw kenà batà te Timanem.

Luc. 16:4

Na, netegahan ko den aw eden se inangen ko. Aw metoman iyan, pengkey ipekesayo a te amo ko, meneng medita pa se sigalak ko megsagman kanak kidoen te balay dan.’

Genesis 3:1

Nayan, diyà te kedita te menge menenanap ininang te Timanem, memokan se ontò biyasa eg-akal. Mig-insà se memokan diyà te bayi, “Benal lay migpunù se Timanem kenyo te eked kaw kaen te pongo te kedita te kayo dini te kekeyowan?”

Luc. 20:34

Minikagi si Jesus, “Gayed pa egpengognan se otaw dini te keneyonan.

1 Pedro 2:9

Meneng kenà kaw iling kandan, so sikiyo se pinemallì te Timanem aw ininang kaw menge batà din. Ininang kaw din menge pengolo te simbahan eglowanan i Cristo. Ininang kaw din menge sakop din egpenimanem, aw tinig-apò kaw din heman. Pinemallì kaw din amon meg-indan kaw te doma otaw tepad te menge mèpiya ininang din diyà kenyo, so pegtawal din kenyo amon megpesakop kaw diyà kandin, inalin kaw din lekat te kengitngit doton te mèpiya kelowahan din.

Filipos 3:19

Meneng metoman dan detengan te pelumun te Timanem, so olò dan eg-aneng-aneng tepad te ibeg te lawa dan. Keilangan meyàyà dan tandà te medaet inang dan, meneng egpelangkaw-langkaw dan. Kenà dan eg-aneng-aneng tepad te Timanem, so olò dan eg-aneng-aneng tepad te keogpà dan dini lanto te tanà.

1 Korinto 3:18

Peg-ahà kaw amon wedad keekalan kenyo. Aw doen otaw kidoen kenyo eg-ikagi te doen den kebiyasa din dini te keneyonan, keilangan tenanan din se kebiyasa din sìyan amon kinewaen din se ontò kebiyasa ibegay te Timanem,

Luc. 18:6

Minikagi heman se Pengolo, “Na, eneng-enengi niyo se inikagi te howis, so pengkey kenà egpenimanem, meneng tebangan din se otaw gayed egpemoyò.

Mat. 17:26

Timaba si Pedro, “Olò doma otaw se keilangan memegay.” Minikagi si Jesus, “Yan eked pemegay se kandin menge batà.

Mat. 12:32

Aw mikagi se otaw te medaet tepad kanak Timanem Migpekeotaw, aw megselsel sikandin, pegwedaden iyan te Timanem. Meneng aw mikagi se otaw te medaet tepad te Espiritu Santo, eked palos pegwedadi se salà din sìyan, pengkey seini aw modi aldaw.”

Luc. 16:7

Penga niyan, tinawal din se doma otaw, aw minikagi sikandin, ‘Pila lay se kedakel te salà nikaw?’ Timaba sikandin, ‘Sebad gatos sako se omay trigo.’ Minikagi se sineligan, ‘Seini se papil tapay no pigpirmahan. Solat ka den te kewelowan olò sako.’

Luc. 20:35

Meneng kidoen te langit, eked den pengognan se otaw pinemallì te Timanem aw entayen din dan lekat te nematay.