Luc. 16:31 - Manobo Sarangani

³¹ Minikagi si Abraham, ‘Aw eked dan penenalan te punù ingkeliwat i Moises aw menge telekeliwat te kagi te Timanem, eked dan heman pemenal pengkey doen meantay lekat te nematay.’”

Luc. 16:31 ပူးပေါင်းရင်းမြစ်များ

2 Korinto 4:3

Meneng se Mèpiya Indan tepad ki Cristo intoladà ko, wedà iyan kelebeti te menge otaw egpesalo doton te pelumun,

2 Korinto 5:11

Nayan, so netegahan ko den te ontò melangkaw se Pengolo egsinelowen ko, yan se doun te gayed a egtoladà te menge otaw amon memenal dan. Netegahan den te Timanem te nelobos se pedowan ko kandin, aw ibeg ko metaga-taga kaw heman te doen kelobos te pedowan ko diyà te Timanem.

Ininang 28:23

Penga niyan, pinemallì dan se aldaw aw kano dan ketipon. Pegdateng te aldaw sìyan, ontò medita se otaw netipon doton te balay inogpaan din. Lekat te iselem lamig te meapon, migtoladà si Pablo kandan. Mig-indan sikandin kandan tepad te peglowan te Timanem, aw miglebad-lebad sikandin te punù ingkeliwat i Moises aw insolat te menge doma telekeliwat te kagi te Timanem amon memenal se otaw ki Jesus.

Ininang 26:28

Minikagi si Agripas ki Pablo, “Te eked kenamay, meinang a no peden sakop i Cristo.”

Ininang 19:8

Dalem te telo se bolan, gayed egdoton si Pablo te simbahan te Judiyo. Wedà sikandin pegketalaw te pegtoladà din kandan tepad te peglowan te Timanem.

Genesis 9:27

Inangen te Timanem medita se menge bowad-bowad i Japet (kelebadan niyan, pegkedita). Ipeogpà dan te Timanem doma te menge bowad-bowad i Sem. Meneng meinang se menge bowad-bowad i Canaan allang te menge bowad-bowad i Japet.”

Luc. 16:30

Minikagi se otaw meyaman, ‘Apò, eked dan penenalan kenyan. Meneng aw doen otaw meantay lekat te nematay isogò no doton kandan, metoman dan megselsel te salà dan.’

Luc. 17:1

Minikagi si Jesus diyà te menge tinoledaan din, “Doen gayed mekebaet te pegpemenal te kedita te otaw, meneng mekelelayò se otaw eg-inang kenyan, so ontò sikandin ipelumun.

Juan 5:47

Meneng aw eked kaw pemenal te insolat din, eked kaw heman pemenal te ikegiyen ko.”