Luc. 16:26 - Manobo Sarangani

²⁶ Doen pa sebad mendad egpekeanggà. Doen medalem awang kidoen te tengà-tengà ta eked keokiti te otaw megpesalo peden doton kamno, aw wedad heman mekedini lekat kamno.’

Luc. 16:26 ပူးပေါင်းရင်းမြစ်များ

Juan 3:36

Se otaw memenal diyà te Batà te Timanem, yan se otaw doen kaling pedowan wedad temanan. Meneng se otaw eked tolò te kagi te Batà te Timanem, yan se otaw eked begayi te kaling pedowan, meneng detengan dan te pelumun te Timanem te wedad temanan.

Impekità 20:10

Penga niyan, in-agbel se mig-akal kandan si Satanas doton te lanaw apoy aw esopri tapay inegbelan te menenanap mebolot aw telekeliwat din te kebolalaw. Elegen dan te aldaw aw delem te wedad palos temanan.

Mat. 25:46

Penga niyan, ipedeleg dan doton te pelumun wedad temanan. Meneng se otaw eg-inang te metòlid, begayan dan te kaling pedowan wedad temanan.”

Luc. 12:59

Aw kelebosowen kaw, eked kaw palos pekelowà singed aw beyadan niyo se kedakel te salà.”

Impekità 22:11

Aw metoman iyan, pebeyai se menge otaw gayed eg-inang te medaet aw wedad yàyà, so yan se pinemallì dan. Meneng keilangan gayed tomayod meg-inang te mèpiya aw metòlid se kedita te otaw egpenimanem.”

Luc. 16:25

Meneng minikagi si Abraham, ‘Atò, eneng-enengi ini. Te wedà ka pa kematay, wedad palos lidò no so dakel se kedònan no mèpiya, meneng gayed doen kelimahan i Lazaro. Nayan, ontò den sikandin neluba dini, aw sikona den se ineleg kidoen.

Luc. 16:27

Minikagi se otaw meyaman, ‘Apò, aw eked no sogoi si Lazaro dini, sogoi sikandin doton te balay te menge kedowa ko.