Luc. 16:25 - Manobo Sarangani

²⁵ Meneng minikagi si Abraham, ‘Atò, eneng-enengi ini. Te wedà ka pa kematay, wedad palos lidò no so dakel se kedònan no mèpiya, meneng gayed doen kelimahan i Lazaro. Nayan, ontò den sikandin neluba dini, aw sikona den se ineleg kidoen.

Luc. 16:25 ပူးပေါင်းရင်းမြစ်များ

Luc. 6:24

“Meneng mekelelayò kaw meyeyaman, so doen den kelubahan niyo aw wedad pa ibegay diyà kenyo.

1 Juan 2:15

Ikà niyo egtaking te medaet ketanem dini te keneyonan. Ikà niyo heman egkeibeg te medaet inang dini te keneyonan, so aw egkeibeg se otaw tomaking te medaet ketanem dini te keneyonan, yan eked sikandin keibeg tomaking te Timanem Amay.

Mar. 9:45

Aw meboyo kaw heman meg-inang te salà pineokit te benis niyo, mèpiya aw tokongen niyo se benis sìyan amon eked kaw peg-inang te salà, aw amon kominawà kaw te kaling pedowan wedad temanan. Labi pa medaet aw meboyo kaw pineokit te benis niyo, aw iagbel se kedakel te lawa niyo doton te kilot.

Roma 8:7

Se otaw eg-aneng-aneng tepad te pegtoman din te medaet ibeg te pedowan din, yan se egpoon te Timanem, so kenà sikandin egtolò te impunù te Timanem. Eked sikandin peketolò te impunù te Timanem.

Filipos 3:19

Meneng metoman dan detengan te pelumun te Timanem, so olò dan eg-aneng-aneng tepad te ibeg te lawa dan. Keilangan meyàyà dan tandà te medaet inang dan, meneng egpelangkaw-langkaw dan. Kenà dan eg-aneng-aneng tepad te Timanem, so olò dan eg-aneng-aneng tepad te keogpà dan dini lanto te tanà.

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”

Menge Hebreo 11:25

Eked sikandin keibeg tomaking te menge otaw egpengemahà te keluba pineokit te peg-inang dan te salà, so egkewedad se keluba te salà te eked kenamay. Meneng ibeg din beling makop diyà te menge sakop te Timanem amon pemilangen sikandin doma dan.

1 Tesalonika 3:3

so ibeg day wedad lomengà kenyo te pegpemenal tandà te pegpemilang egdateng kenitadon. Netegahan niyo te yan se pinemallì te Timanem amon okitan tadon.

Impekità 7:14

Timaba a, “Apò, wedà ko ketegahi. Indani a.” Minikagi sikandin, “Lekat dan te ontò kelimahan. Migbugsak den dan te saol dan diyà te dipanog te Karniro amon ontò iyan megkepotì.

Juan 16:33

Minikagi a kani diyà kenyo amon doen kelinaw te pedowan niyo tandà te pegpesakop niyo diyà kanak. Pengkey pemilangen kaw te otaw dini te keneyonan, meneng pegpekagsen kaw, so dinaeg ko se kedita te medaet dini te keneyonan.”

Luc. 16:23

Inibing sikandin doton te ogpeanan te otaw nematay, aw ontò sikandin ineleg kidoen. Limengag sikandin aw timengteng diyà ki Abraham ontò mediyò aw kidoen si Lazaro te tangkil din.

Luc. 16:20

Doen heman otaw sagkep ngadan din si Lazaro. Nelegeb se lawa din te palì, aw gayed sikandin ipegpeibat kidoen te lowà te balay te otaw meyaman.

Mat. 27:63

aw minikagi dan, “Sir, doen neeneng-enengan day. Te wedà pa kematay se otaw sìyan migpelingo-lingo Misiyas, minikagi sikandin te meantay lekat te nematay te iketelo te aldaw.

Luc. 16:26

Doen pa sebad mendad egpekeanggà. Doen medalem awang kidoen te tengà-tengà ta eked keokiti te otaw megpesalo peden doton kamno, aw wedad heman mekedini lekat kamno.’