Luc. 16:24 - Manobo Sarangani

²⁴ Timawal sikandin, ‘Apò Abraham, keidowi a bag. Sogoi si Lazaro megbawog te intetodò din diyà te wayeg amon ipetedak diyà te dilà ko, so ontò a ineleg dini te apoy seini.’

Luc. 16:24 ပူးပေါင်းရင်းမြစ်များ

Impekità 22:1

Penga niyan, impekità din kanak se wayeg iningedanan Wayeg Mekebegay te Kaling Pedowan. Ontò iyan metìngaw iling te ispiho, aw egtebol kidoen te onsedanan te Timanem aw Karniro.

Juan 4:10

Timaba si Jesus, “Aw netegahan no pa aw eden se ibowang te Timanem kamno, aw netegahan no heman aw sinu se nemoyò te wayeg diyà kamno, sikona se memoyò diyà kanak, aw begayan ta te wayeg egpemegay te pedowan.”

Juan 4:14

Meneng se otaw minem te wayeg ibegay ko kandin, yan se eked todà palos kelao. Se wayeg ibegay ko kandin, yan se meinang selep kidoen kandin egtebolan te wayeg mekebegay te kaling pedowan wedad temanan.”

Mat. 25:41

“Penga niyan, mikagi a heman diyà te menge otaw lenged te bibang ko, ‘Ontò kaw ipelumun. Kesayo kaw den lekat kanak. Doton kaw den te kilot doen apoy eked palos kepadeng, so yan se integilan te Timanem amon doen egbelan din ki Satanas aw kedita te anghil din.

Impekità 20:15

Se otaw wedà kitai se ngadan dan kidoen te libro sinolatan te ngadan te kedita te otaw binegayan te kaling pedowan wedad temanan, yan se in-agbel doton te lanaw apoy.

Santiago 3:6

Iling heman te apoy se kagi tadon, so aw eked iyan imendayi, ontò iyan mekedaet kenitadon. Aw medaet se kagi tadon, yan se mekedaet te kenitadon pegkeotawun, aw yan se mekesamok te kenitadon aneng-aneng dalem te peg-ogpà tadon dini te keneyonan. Kilot se eglekatan te medaet kagi.

Luc. 16:30

Minikagi se otaw meyaman, ‘Apò, eked dan penenalan kenyan. Meneng aw doen otaw meantay lekat te nematay isogò no doton kandan, metoman dan megselsel te salà dan.’

Luc. 3:8

Aw migselsel kaw den, petega-tegahi niyo iyan pineokit te eg-inangen niyo. Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham amon somelilin dan kenyo.

Santiago 2:13

Aw meg-okom se Timanem te kedita te otaw, eked din keidowi se otaw wedà keido te doma otaw nelimahan. Meneng aw meido se otaw te doma otaw nelimahan, wedad kelemitanan din aw okomen te Timanem.

Impekità 19:20

Pegbolaw dan, dinakep se menenanap mebolot. Dinakep heman se telekeliwat te kebolalaw, sìyan tapay mig-inang te menge kepelahan pineokit te tolos te simogò kandin, amon meg-akal te kedita te otaw pinengilelaan te menenanap mebolot aw otaw migsimba te inotaw impeinang din. Penga niyan, in-agbel se menenanap aw telekeliwat din doton te lanaw apoy doen esopri eglegdeg.

Roma 4:12

Neinang heman sikandin olo te kedita te Judiyo tinolì kenà tandà te pegtolì kandan, meneng tandà te pegpemenal dan te Timanem iling te pegpemenal i Abraham te wedà pa sikandin tolii.

Juan 7:37

Se temanan aldaw te Pista te Bolongabong, yan se ontò melangkaw aldaw diyà te kedita te Judiyo. Pegdateng te temanan aldaw te pista, timindeg si Jesus kidoen te dakel simbahan aw minikagi te dakel se kagi din, “Aw sinu se nelao, domiyà kanak, so ipeinem ko.

Mat. 5:22

Meneng mikagi a den diyà kenyo te pengkey olò meopal se otaw diyà te doma, ibingen sikandin doton te otaw eg-osay. Aw mikagi se otaw te medaet diyà te doma, ibingen sikandin doton te kelengkawan te oseyanan. Aw mikagi se otaw diyà te doma, ‘Book ka,’ ibingen sikandin doton te apoy te kilot.

Mat. 3:9

Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham somelilin kenyo.

Luc. 19:9

Minikagi si Jesus, “Aldaw seini, mekelowà ka den lekat te salà, so nemenal ka den kanak iling te pegpemenal i Abraham gebii.