Luc. 16:23 - Manobo Sarangani

²³ Inibing sikandin doton te ogpeanan te otaw nematay, aw ontò sikandin ineleg kidoen. Limengag sikandin aw timengteng diyà ki Abraham ontò mediyò aw kidoen si Lazaro te tangkil din.

Luc. 16:23 ပူးပေါင်းရင်းမြစ်များ

2 Pedro 2:4

Gebii doen menge anghil mig-inang te salà, meneng wedà din dan keidowi, so impeibing din dan doton te kilot. Impegapos din dan doton te kengitngitan lamig domateng se aldaw te peg-okom.

Luc. 16:28

Doen pa lima kedowa ko, aw ibeg ko indanan din dan te keilangan megselsel dan te salà, amon eked dan heman peibingi dini te kededàtan.’

Mat. 23:33

Iling kaw te memokan so biyasa kaw eg-inang te medaet. Eked kaw palos pekelowà lekat te pelumun te Timanem, so metoman kaw din ipeibing doton te kilot.

Mat. 18:9

Aw meboyo kaw heman meg-inang te salà pineokit te mata niyo, mèpiya aw logiten niyo se mata niyo aw iagbel niyo amon eked kaw peg-inang te salà, aw amon kominawà kaw te kaling pedowan wedad temanan. Labi pa medaet aw meboyo kaw pineokit te mata niyo, aw iagbel se kedakel te lawa niyo kidoen te apoy doton te kilot.”

Impekità 20:10

Penga niyan, in-agbel se mig-akal kandan si Satanas doton te lanaw apoy aw esopri tapay inegbelan te menenanap mebolot aw telekeliwat din te kebolalaw. Elegen dan te aldaw aw delem te wedad palos temanan.

Luc. 8:28

Pegkità din ki Jesus, mig-olangag sikandin, aw limongken diyà ki Jesus, aw minikagi te dakel se kagi din, “Jesus, Batà te Timanem ontò melangkaw, ikà egsamok kanak. Memoyò a den diyà kamno, ikà bag egpeeleg kanak.”

Mat. 5:29

Yan aw meboyo kaw meg-inang te salà pineokit te mata niyo, mèpiya aw logiten niyo se mata, aw iagbel niyo amon eked kaw keboyo. Labi pa medaet aw meboyo kaw pineokit te mata aw iagbel se kedakel te lawa niyo doton te kilot.

Mat. 5:22

Meneng mikagi a den diyà kenyo te pengkey olò meopal se otaw diyà te doma, ibingen sikandin doton te otaw eg-osay. Aw mikagi se otaw te medaet diyà te doma, ibingen sikandin doton te kelengkawan te oseyanan. Aw mikagi se otaw diyà te doma, ‘Book ka,’ ibingen sikandin doton te apoy te kilot.

1 Korinto 15:55

“Duyuni niyo se Timanem, so dinaeg den se kemetayun. Eked kidon den detengi te kemetayun.”

Mat. 11:23

Sikiyo tege Kapirnaom, pengkey meibeg kaw megpelangkaw-langkaw taman te langit, meneng idagdag kaw doton te kilot. Aw impekità diyà te tege Sodoma se inang metolos impekità ko kenyo, migselsel den dan peden aw wedà heman kebàti se lonsod dan.

Mat. 8:29

Mig-olangag dan, kagi dan, “Batà te Timanem, ikà pa egpeeleg kenami, so wedà pa dateng se aldaw te pegpelumun no kenami.”

Luc. 16:24

Timawal sikandin, ‘Apò Abraham, keidowi a bag. Sogoi si Lazaro megbawog te intetodò din diyà te wayeg amon ipetedak diyà te dilà ko, so ontò a ineleg dini te apoy seini.’