Luc. 16:22 - Manobo Sarangani

²² Nayan, nematay se otaw sagkep, aw inibing sikandin te menge anghil doton te tangkil te kemonaan din si Abraham kidoen te langit. Penga niyan, nematay heman se otaw meyaman aw inlebeng.

Luc. 16:22 ပူးပေါင်းရင်းမြစ်များ

1 Pedro 2:24

Pegkematay din doton te kros, inibing din se kedita te salà tadon amon mekelowà kidon lekat te salà aw amon mekeinang kidon te metòlid. Pineokit te pegpelumun kandin, migkèpiya kidon den.

Impekità 14:13

Penga niyan, doen dinineg ko minikagi diyà kanak lekat te langit, “Solati inì. Meluba se otaw matay aw tapay dan simalig diyà te Pengolo.” Minikagi se Espiritu Santo, “Ontò dan meluba, so wedad den terbaho dan lekat seini, aw mekeetod den dan, so doen ibowang kandan tandà te mèpiya inang dan.”

Santiago 1:11

so aw megkelangkaw se aldaw aw meinit, melanes se bolak, aw matay, aw medaet iyan tengtengen. Iling heman kenyan se menge otaw meyaman, so pengkey mebuyung dan mengewarta, meneng ketenanan dan se kedita aw matay.

Juan 13:23

Se timangkil ki Jesus, yan se tinoledaan ontò nedekelan i Jesus te pedowan.

Mar. 8:36

So simpana tig-epoen te otaw se kedakel te keneyonan, aw penga niyan matay sikandin aw ipelumun doton te kilot, wedad ontong din,

Menge Hebreo 1:14

Nayan, netegahan tadon den ini. Se menge anghil, yan olò se egsogò-sogoen te Timanem. Pengkey eked dan kitai te otaw, meneng ipegsogò dan te Timanem amon megtabang dan te kedita tadon ipelowà din.

Mat. 24:31

Ipeedop ko se bodyong, aw isogò ko se menge anghil, aw tiponen dan se kedita te otaw pinemallì ko lekat te kebelad te keneyonan, pengkey kenan dan peg-ogpà.”

Mat. 18:10

“Keilangan eked kaw peglindò te sakop ko medanà iling te kedanà te mengisù seini, so mikagi a den diyà kenyo te egtonggoan dan te menge anghil gayed egdoma te Amay ko doton te langit. [

Menge Hebreo 2:14

Sikitadon doen lawa egkematay se menge batà te Timanem sìyan. Yan migpekeotaw heman si Jesus amon matay sikandin, so pineokit te pegkematay din, dinaeg din den se eglekatan te kemetayun si Satanas.

Juan 21:20

Penga niyan, miniling si Pedro, aw kinità din kidoen se sìyan tinoledaan ontò nedekelan i Jesus te pedowan. Yan se timangkil diyà te Pengolo kedengan te pegpengaen dan aw mig-insà aw sinu se megtolok kandin.

Luc. 12:20

Meneng minikagi se Timanem, ‘Wedad palos inenengen nikaw. Matay ka den te delem seini. Pengkey dakel den se kededònan no, meneng ibegay se kedakel niyan diyà te doma otaw.’

Mat. 8:11

Metoman se kagi ko seini. Aw domateng se aldaw te peglowan te Timanem, medita se otaw domateng lekat te kedita te ogpeanan te keneyonan, pengkey kenà dan Judiyo. Ipeakop dan diyà te peglowan te Timanem sipat kemonaan niyo si Abraham, aw si Isaac, aw si Jacob.

Luc. 16:21

Ibeg din peden komaen olò te momò lekat te lemisa te otaw sìyan meyaman. Gayed heman egdilaan te menge toyang se menge palì din.

Juan 1:18

Wedad palos otaw kimità te Timanem. Meneng se Batà din temisa, yan se migpetaga-taga diyà kenitadon tepad te Amay din, so gayed dan egpedomaay.