Luc. 16:2 - Manobo Sarangani

² Penga niyan, tinawal te datò se otaw sìyan, aw minikagi, ‘Medaet se dinineg ko tepad kamno. Ibingi dini se kedita te libro tepad te kwarta insalig ko diyà kamno, so eked a den salig kamno.’

Luc. 16:2 ပူးပေါင်းရင်းမြစ်များ

Impekità 20:12

Kinità ko se kedita te otaw neantay den lekat te nematay, pengkey melangkaw aw sagkep. Timindeg dan diyà te monà te onsedanan te peglowan. Bineka se menge libro aw sìyan libro sinolatan te ngadan te kedita te otaw binegayan te kaling pedowan wedad temanan. Se insolat kidoen te menge doma libro, yan se indan aw eden se ininang dan te wedà dan pa kematay, aw yan se binasa te peg-okom kandan.

1 Pedro 4:10

Medita se kinemoloan te kebiyasa imbegay te Timanem diyà te teg sebad-sebad kenitadon. Keilangan gemiten niyo te mèpiya se imbegay te Timanem kenyo amon megpetebangay kaw.

1 Pedro 4:5

Meneng aw den iyan, so domateng se aldaw te ipelumun dan te Timanem, so neketagad den sikandin meg-okom te kedita te otaw pengkey nematay aw wedà pa kematay.

1 Timoteo 5:24

Doen menge otaw egpekesalà sikil egketegahan te menge doma otaw, aw detengan dan te pelumun. Meneng doen menge doma otaw egpekesalà eked ketegahi te doma otaw singed aw menamay.

1 Timoteo 4:14

Ikà eglengà te peggamit no te kebiyasa nekinawà no kedengan pineokit te peg-ikagi te telekeliwat te kagi te Timanem tepad kamno aw pineokit te pegpemaed te menge egpengibing te simbahan diyà te olo nikaw.

2 Korinto 5:10

Sominalo kwani se kedita tadon ki Cristo amon okomen kidon din, aw amon meabat te teg sebad-sebad kenitadon egpemenal se kandin ontong tepad te ininang din dini te keneyonan. Se otaw mig-inang te mèpiya, yan se doen ontong. Se otaw egpemenal eg-inang te medaet, yan se wedad ontong.

1 Korinto 4:5

Yan ikà niyo eg-okom te eg-inangen te doma otaw, so wedà pa dateng se aldaw te peg-okom. Aw lomikò se Pengolo, ipetaga-taga din se kedita, sìyan wedà tadon pa ketegahi. Ipetaga-taga din heman se kedita te aneng-aneng te otaw, aw penga niyan, iduyun te Timanem se teg sebad-sebad otaw doen ontong.

1 Korinto 4:2

So sikami se otaw sineligan din kenyan, keilangan tomolò kay te simogò kenami.

1 Korinto 1:11

Menge kedowa ko, yan se punù ko kenyo, so doen menge otaw i Klowi mig-indan kanak te egpedindilay kaw.

Roma 14:12

Yan keilangan sominalo se teg sebad-sebad kenitadon te Timanem amon meg-indan kidon te benal tepad te kedita te ininang tadon dini lanto te tanà.

Luc. 12:42

Minikagi si Jesus, “Se otaw egkeseligan aw biyasa eg-inang te kedita, yan se inangen te amo din egpengibing te kedita te doma otaw doton te balay din, amon memegay kandan te kànen te kelikit te aldaw.

Luc. 12:20

Meneng minikagi se Timanem, ‘Wedad palos inenengen nikaw. Matay ka den te delem seini. Pengkey dakel den se kededònan no, meneng ibegay se kedakel niyan diyà te doma otaw.’

Mat. 12:36

“Penenalan kaw te kagi ko kenyo seini. Aw domateng se aldaw te peg-okom te Timanem te otaw, ipelumun din se kedita te otaw minikagi te kagi wedad kekemowan.

Mat. 20:8

“Nayan, pegkedelem niyan, minikagi se otaw diyà te otaw sineligan din, ‘Tewali se kedita te otaw migterbaho, aw begayi kandan se tandan dan. Onai se otaw kaling migterbaho, aw modihi se otaw tapay migterbaho.’

Luc. 16:1

Mig-indan heman si Jesus te tegdeyanan seini diyà te menge tinoledaan din, kagi din, “Doen otaw impetonggò te datò diyà te kedakel te keyemanan din. Nayan, dinineg te datò te pigbàtan te teletonggò se keyemanan din.

Luc. 16:3

Nayan, mig-aneng-aneng se sineligan, ‘Agpet den wedad otaw megtandan kanak. Megmeno a? So kenà botong se keseg ko amon meg-inang a te pawà, aw meyàyà a aw meinang a metipemoyò.