Luc. 16:16 - Manobo Sarangani

¹⁶ “Te wedà pa pegtoladà si Juan Memonyagay, keilangan toloen se punù ingkeliwat i Moises aw menge telekeliwat te kagi te Timanem. Meneng lekat te pegtebò te pegtoladà i Juan lamig seini, gayed ipegtoladà se Mèpiya Indan tepad te peglowan te Timanem, aw medita se otaw ontò meibeg megpesakop diyà kandin.

Luc. 16:16 ပူးပေါင်းရင်းမြစ်များ

Mat. 21:32

Pegtoladà i Juan te keilangan megselsel kaw amon eneng-enengen te Timanem te metòlid kaw, wedà kaw pemenal kandin. Meneng medita se iskribinti aw kepoyun nemenal kandin. Pengkey kimità kaw kenyan, meneng wedà kaw pegselsel aw wedà kaw heman pemenal kandin.”

Juan 1:45

Penga niyan, nengemahà si Felipe ki Natanael aw minikagi, “Kinità day se otaw impakang i Moises aw menge doma telekeliwat te kagi te Timanem te pegsolat dan gebii. Yan se tege Nasarit si Jesus, batà i Jose.”

Luc. 16:31

Minikagi si Abraham, ‘Aw eked dan penenalan te punù ingkeliwat i Moises aw menge telekeliwat te kagi te Timanem, eked dan heman pemenal pengkey doen meantay lekat te nematay.’”

Mat. 3:2

“Pegselsel kaw den te menge salà ininang niyo, so agpet den lomowan se Timanem diyà kenitadon.”

Ininang 3:18

Yan netoman se kagi te Timanem ingkeliwat te kedita te telekeliwat din gebii, te pemilangen aw imetayan se Misiyas isogò din.

Luc. 16:29

Meneng minikagi si Abraham, ‘Gayed doen punù ingkeliwat i Moises aw menge telekeliwat te kagi te Timanem egbesahen dan. Mèpiya aw menenalan dan kenyan.’

Luc. 10:11

‘Pengkey napò te tanà niyo dimeket diyà te benis day, tektaken day den, amon ketegahan niyo te doen salà niyo. Keilangan metaga-taga kaw te medapag den se peglowan te Timanem diyà kenyo, meneng kimulu kaw kenyan.’

Luc. 10:9

Pegpegolì kaw te otaw doen mesakit. Ikagi kaw diyà kandan, ‘Medapag den se peglowan te Timanem diyà kenyo.’

Mat. 4:17

Lekat niyan, migtebò si Jesus migtoladà, aw minikagi sikandin, “Pegselsel kaw den te menge salà ininang niyo, so agpet den lomowan se Timanem diyà kenyo.”

Luc. 9:2

Penga niyan, insogò din dan tomeped te menge doma ogpeanan amon megtoladà dan tepad te peglowan te Timanem aw amon megpegolì dan te otaw doen mesakit.

Mar. 1:14

Nayan, penga te pegpedakep i Herod ki Juan Memonyagay, dimoton si Jesus te probinsya te Galiliya aw migtoladà te Mèpiya Indan lekat te Timanem.

Mat. 10:7

Pengkey kenan kaw pesalo, pegtoladà kaw te agpet den lomowan se Timanem.

Juan 12:19

Pegkità te menge Parisiyo te medita se otaw timaking ki Jesus, migpebelaw-belaway dan, “Dinaeg kidon den, so timaking kandin se kedita te otaw te keneyonan.”

Juan 11:48

Aw eked kidon pegsagda kandin, kedita te Judiyo memenal eleg kandin. Aw domineg se gobirno kidoen te Roma te doen sebad otaw megpeinang selotan amon lomowan dini, medaet iyan, so isogò dan dini se menge sondalo amon pegbàtan dan se ogpeanan tadon, aw imetayan dan heman se kedita tadon Judiyo.”

Mar. 1:45

Meneng pegkesayo din, medita se otaw inindanan din tepad te ininang i Jesus kandin. Yan se doun te wedà pekeokit si Jesus te menge lonsod so pelaban medita se otaw metipon. Yan miglegeb sikandin doton te ogpeanan mediyò te lonsod, aw medita se otaw dimoton kandin lekat te kedita te ogpeanan.

Mat. 4:23

Nayan, timeped si Jesus te kedita te lonsod doton te probinsya te Galiliya, aw migtoladà doton te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw pinegolian din se kedita te otaw doen mesakit.

Mat. 15:11

Kenà egpekesalà se otaw pineokit te iawop din diyà te bahà din. Meneng egpekesalà se otaw pineokit te lomowà lekat te bahà din.”

Juan 5:4

so seletà doen anghil te Timanem mebo kidoen te lanaw, aw megtigaw te wayeg kidoen. Penga niyan, aw ayas mebo se otaw diyà te wayeg, kegolian dan.]