Luc. 16:11 - Manobo Sarangani

¹¹ Nayan, aw eked kaw keseligi dalem te pegpengibing niyo te kwarta dini te keneyonan, eked kaw heman keseligi te Timanem te ontò keyemanan doton te langit.

Luc. 16:11 ပူးပေါင်းရင်းမြစ်များ

Luc. 12:33

Keilangan ibeligyà niyo se kededònan niyo, aw ipemegay niyo se kwarta diyà te otaw nelimahan. Aw yan se inangen niyo, metipon kidoen te langit se ontong niyo eked palos pegkedaet, so eked iyan ketakaw kidoen, aw eked iyan heman kebàti.

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

Luc. 18:22

Pegdineg i Jesus kenyan, minikagi sikandin, “Sebad mendad se keilangan inangen nikaw. Beligyai se kedakel te kedònan no, aw iteped se kwarta no diyà te menge otaw nelimahan. Aw yan se inangen no, doen ontong kinewaen no doton te langit. Penga te pegteped no te kedakel niyan, likò ka dini aw taking ka kanak.”

Luc. 16:9

Minikagi heman si Jesus, “Seini se punù ko diyà kenyo. Tebangi niyo se menge doma otaw te kwarta niyo dini te keneyonan. Yan aw meamin iyan, ipeogpà kaw te Timanem doton te langit aw matay kaw.

Impekità 3:18

Nayan, seini se punù ko kenyo. Keilangan ebaten niyo se doen ontò keelagà lekat kanak iling te bolawan kaling ininang, amon ontò kaw megkeyaman. Keilangan ebaten niyo lekat kanak se ontò isampeng te keyèyaan niyo iling te penenaktun wedad kelipà, amon meabat se keyèyaan niyo. Keilangan ebaten niyo heman lekat kanak se ontò meketabang kenyo iling te bebolong mekegolì te mata, amon komità kaw te kebenalan.

Mat. 6:24

“Wedad otaw meketolò te dowa amo din. Aw megpelenged sikandin diyà te sebad, eked sikandin tolò te sebad. Sebad olò se tekingan din, aw eked din segmani se sebad. Iling heman kenyan, eked pegsebad se pegpenimanem niyo aw pegpengewarta niyo.

Luc. 16:12

Aw eked kaw keseligi dalem te pegtonggò niyo te kedònan insalig te doma otaw diyà kenyo, eked kaw heman begayi te Timanem te ontong niyo doton te langit.