Luc. 15:29 - Manobo Sarangani

²⁹ Meneng minikagi se kakay batà din, ‘Tay law. Pengkey pila se omay, gayed a pa timolò kamno, aw wedad palos punù no linèpangan ko. Meneng wedad palos imbegay no kanak, pengkey kambing deitek, amon lelahen ko se menge sigalak ko.

Luc. 15:29 ပူးပေါင်းရင်းမြစ်များ

Impekità 3:17

so egduyun kaw te kenyo pegkeotawun te meyeyaman kaw, aw wedad den kolang te kedònan niyo. Meneng wedà niyo ketegahi te sikiyo se ontò nelimahan. Wedà niyo ketegahi te iling kaw te otaw sagkep, aw bota, aw wedad penenaktun.

Impekità 2:17

Se kedita niyo domineg te kagi ko, keilangan tomolò kaw te kagi te Espiritu Santo diyà te kedita niyo egpemenal. Se kedita niyo eked dàgi te kededàtan, yan se begayan ko te pan intagò kenyo kidoen te langit. Begayan ko heman sikiyo te bato mepotì sinolatan te kaling ngadan. Se otaw begayan ko kenyan, yan olò se otaw metaga-taga aw sinu se ngadan insolat kidoen.’”

Roma 10:3

Wedà dan ketegahi te doen peokit ininang te Timanem amon eneng-enengen din te metòlid dan. Yan ininang dan beling se kandan peokit. Meneng wedà eneng-enengi te Timanem te metòlid dan, so wedà dan taking te peokit ininang din.

Roma 7:9

Kedengan te wedà ko ontò ketegahi aw eden se impunù te Timanem, eden ko aw mèpiya se pedowan ko. Meneng pegketaga-taga ko te kebenalan tepad te menge punù, netegahan ko den te nelegeb se pedowan ko te salà, aw detengan a te kemetayun wedad temanan.

Luc. 19:21

Wedà ko iyan gemiti, so nelemitan a kamno, so mebolot ka otaw. Eg-ebaten no se wedà no kepegodi, aw eglegeniyen no se intanem te doma otaw.’

Luc. 18:9

Nayan, mig-indan si Jesus te tegdeyanan seini diyà te menge otaw eden dan aw metòlid se eg-inangen dan, aw gayed dan eglindò te doma.

Luc. 17:10

Iling kaw heman te sineligan sìyan, so penga te pegtolò niyo te kedita te punù te Timanem diyà kenyo, eked kaw pesiontongi, meneng keilangan mikagi kaw diyà kandin, ‘Eked kay nikaw duyuni, so olò day ininang se keilangan toloen day.’”

Luc. 15:7

Nayan, penenalan kaw te kagi ko. Iling heman kenyan, pengkey sidebok se otaw nelegeb te salà, aw megselsel sikandin, doen keluba doton te langit labi pa dakel diyà te keluba tepad te kesyaman teg siyam otaw wedà pegselsel so eg-inang dan te metòlid.”

Mat. 20:12

Minikagi dan, ‘Olò sebad oras se pegterbaho te otaw sida, meneng lekat te iselem se kenami pegterbaho, aw neilad kay te aldaw, meneng onawa se intandan no te kedita day.’

Roma 3:27

Yan se doun te eked kidon pegpelangkaw-langkaw. Eked kidon ikagi te inaneng-aneng te Timanem te metòlid kidon pineokit te pegtolò tadon te menge punù ingkeliwat i Moises, so pineokit te pegpemenal tadon ki Jesus se peg-aneng-aneng te Timanem te metòlid kidon.

Roma 3:20

Yan se doun te wedad palos otaw eneng-enengen te Timanem te metòlid dan pineokit te pegtolò dan te punù ingkeliwat i Moises, so pineokit te pegketaga-taga tadon te menge punù ingkeliwat i Moises, netegahan tadon te salà se eg-inangen tadon.

Luc. 15:28

Pegdineg din kenyan, ontò neopal se kakay igsà wedà penayit diyà te balay. Penga niyan, timenà se amay din amon ipepenayit.

Luc. 15:30

Meneng se doma batà no sida, pigbàtan din den se kwarta no imbayad din te bayi. Meneng peg-olì din, impeiyaw no ekon se melambò nati te baka amon meluba sikandin.’