Luc. 15:28 - Manobo Sarangani

²⁸ Pegdineg din kenyan, ontò neopal se kakay igsà wedà penayit diyà te balay. Penga niyan, timenà se amay din amon ipepenayit.

Luc. 15:28 ပူးပေါင်းရင်းမြစ်များ

Luc. 15:2

Yan se doun te migtindaet se menge Parisiyo aw menenoladà te punù, aw minikagi dan, “Medaet se eg-inangen din, so egsigelaken din se menge otaw egpekesalà aw eglàpang te punù ingkeliwat i Moises. Medaet so egpengaen sikandin doma dan.”

Luc. 7:39

Nayan, sìyan Parisiyo migpekaen ki Jesus, pegkità din te ininang te bayi, mig-aneng-aneng sikandin te kenà ontò telekeliwat insogò te Timanem si Jesus. Aneng-aneng din, simpana si Jesus se benal telekeliwat insogò te Timanem, ketegahan din aw eden se eg-inangen te bayi sìyan, so ontò sikandin mig-inang te salà.

Ininang 14:2

Meneng doen menge Judiyo wedà pemenal migdeliseg te menge doma otaw kenà Judiyo amon meopal dan heman diyà te menge otaw nemenal.

Ininang 13:45

Meneng ontò miningà se menge Judiyo kenà egpemenal so kinità dan se medita otaw netipon. Yan migsawal dan ki Pablo aw migtompuyus dan heman kandin.

Luc. 24:47

Doen heman kagi te Timanem insolat te keilangan megtoladà kaw diyà te kedita te otaw te keneyonan te pegwedaden te Timanem se salà dan aw megselsel dan aw memenal dan kanak. Keilangan megtebò kaw megtoladà kenyan dini te Jerusalem.

Luc. 13:34

“Mekelelayò kaw tege Jerusalem. Gayed niyo eg-imetayan se kedita te telekeliwat te kagi te Timanem, aw egbontogan niyo te bato se kedita te otaw insogò te Timanem dini kenyo amon matay dan. Melikit a peden megtipon kenyo amon meg-ipat a kenyo, iling te omagak lomemlem diyà te menge onsoy din. Meneng wedà kaw keibeg.

Luc. 5:30

Meneng doen menge Parisiyo aw menenoladà te punù ingkeliwat i Moises simila te menge tinoledaan i Jesus, kagi dan, “Medaet iyan so kimaen kaw doma te mededaet otaw, menge iskribinti aw doma otaw nelegeb te salà.”

Mat. 20:11

Pegkinawà dan te kwarta, migbelisì dan diyà te tig-apò te paras.

1 Tesalonika 2:16

so migsagda dan te pegtoladà day te menge otaw kenà Judiyo te mekelowà dan lekat te salà. So egsagda dan te pegtoladà day, egdogangan dan se menge salà dan. Meneng agpet den dan detengan te pelumun te Timanem.

2 Korinto 5:20

Siak heman se sebad sogounun i Cristo egpengibing te kagi din, so pineokit kanak, ipetaga-taga te Timanem se punù din. So insogò a i Cristo, yan mikagi a diyà kenyo, pegsebadi niyo se pedowan niyo diyà te Timanem.

Roma 10:19

Pengkey medita se bowad-bowad i Israel wedà pemenal, meneng ikà niyo eg-aneng-aneng te wedà dan kelebeti se intoladà kandan, so doen kagi te Timanem insolat i Moises gebii, kagi din, “Tebangan ko se menge otaw kenà Judiyo amon mingà kaw kandan. Keidowan ko se menge otaw egkebensihan niyo amon meopal kaw.”

Ininang 14:19

Penga niyan, dimateng se menge Judiyo kenà egpemenal lekat te Ikonyo aw Antyokya sakop te Pisidya. Migdeliseg dan te tege Listra, aw yan binontogan dan si Pablo te bato, aw ginoyod dan doton te lowà te lonsod so eden dan aw nematay den.

Ininang 13:50

Meneng dineliseg te menge Judiyo kenà egpemenal se menge obanen kidoen aw menge bayi melangkaw. Pinemilang dan si Pablo aw si Bernabe, aw impekadas dan lekat te lonsod sìyan aw kedepagan niyan.

Mar. 1:40

Nayan, doen otaw pigtompig dimoton ki Jesus, aw migpeido-ido diyà kandin. Limongken heman sikandin aw minikagi, “Aw doen ibeg nikaw, netegahan ko te mekebatog ka megpegolì kanak.”

Luc. 15:27

Timaba sikandin, ‘Minolì den se adi no, aw impeiyaw te amay niyo se nati te baka melambò, so nekeolì den se adi no aw wedad mesakit.’

Luc. 15:29

Meneng minikagi se kakay batà din, ‘Tay law. Pengkey pila se omay, gayed a pa timolò kamno, aw wedad palos punù no linèpangan ko. Meneng wedad palos imbegay no kanak, pengkey kambing deitek, amon lelahen ko se menge sigalak ko.