Luc. 15:22 - Manobo Sarangani

²² Meneng timawal se amay din diyà te menge sineligan, kagi din, ‘Kegaen kaw. Ibingi niyo se ontò mèpiya saol ekasan din. Pepeningsingi niyo heman sikandin, aw pesepetosi niyo.

Luc. 15:22 ပူးပေါင်းရင်းမြစ်များ

Impekità 6:11

Penga niyan, doen melayat saol mepotì imbegay diyà te teg sebad-sebad kandan. Minikagi heman se Pengolo diyà kandan te keilangan megtagad dan pa te eked kenamay lamig mesikop se kedita te sineligan te Timanem, so doen pa doma dan imetayan iling kandan.

Genesis 41:42

Penga niyan, inabat te selotan se peningsing din, sìyan pengilala te peglowan din, aw imbegay din iyan ki Jose. Impesaol din te sapot ontò meelagà, aw impepeninga din te bolawan.

Impekità 19:8

Doen dagom imbegay kandin ininang te sapot ontò mepotì aw wedad kelipà niyan.” Se kedegdagan te sapot, yan se metòlid inang te menge sakop te Timanem.

Impekità 7:9

Penga niyan, kinità ko se ontò medita otaw lekat te kedita te ogpeanan. Eked dan kebilang, so ontò dan medita. Timindeg dan kidoen te monà te onsedanan te peglowan, kidoen te monà te Karniro. Nenaol dan te mepotì aw nengibing dan te pelapà te palmera.

Roma 8:15

Pegpemegay te Timanem te Espiritu Santo diyà kenyo, wedà kaw din inangi menge allang din, meneng ininang kaw din menge batà din. Yan se doun te wedad den kelemitanan niyo, so mepakay den aw Amà se itawal tadon te Timanem, so amay tadon den sikandin,

Impekità 2:17

Se kedita niyo domineg te kagi ko, keilangan tomolò kaw te kagi te Espiritu Santo diyà te kedita niyo egpemenal. Se kedita niyo eked dàgi te kededàtan, yan se begayan ko te pan intagò kenyo kidoen te langit. Begayan ko heman sikiyo te bato mepotì sinolatan te kaling ngadan. Se otaw begayan ko kenyan, yan olò se otaw metaga-taga aw sinu se ngadan insolat kidoen.’”

Galasya 3:27

So nemenal den se kedita niyo ki Cristo, aw binonyagan kaw den tandà te pegtaking niyo kandin, yan ontò kaw den iling te pegkesawol din.

Roma 13:14

Meneng peg-iling kaw te eg-inangen te Pengolo tadon si Jesu Cristo. Ikà niyo eg-aneng-aneng tepad te pegtoman niyo te medaet ibeg te lawa niyo.

Impekità 3:18

Nayan, seini se punù ko kenyo. Keilangan ebaten niyo se doen ontò keelagà lekat kanak iling te bolawan kaling ininang, amon ontò kaw megkeyaman. Keilangan ebaten niyo lekat kanak se ontò isampeng te keyèyaan niyo iling te penenaktun wedad kelipà, amon meabat se keyèyaan niyo. Keilangan ebaten niyo heman lekat kanak se ontò meketabang kenyo iling te bebolong mekegolì te mata, amon komità kaw te kebenalan.

Efeso 6:15

Iling te sepatos se ibeg niyo meg-indan diyà te doma otaw te Mèpiya Indan tepad te kelinaw te pedowan ibegay te Timanem kandan.

Roma 3:22

Eneng-enengen te Timanem te metòlid kidon pineokit te pegpemenal tadon ki Jesu Cristo. Yan se inangen din diyà te kedita te otaw memenal, pengkey Judiyo aw otaw kenà Judiyo, so onawa se kedita te otaw.

Luc. 15:21

Minikagi se batà din, ‘Amà, doen salà ininang ko diyà te Timanem aw diyà heman kamno. Eked a no peden tewali batà nikaw.’

Luc. 15:23

Engayi niyo se nati te baka melambò amon iyawen, so meg-inang kidon te dakel kànen tandà te luba tadon.