Luc. 15:21 - Manobo Sarangani

²¹ Minikagi se batà din, ‘Amà, doen salà ininang ko diyà te Timanem aw diyà heman kamno. Eked a no peden tewali batà nikaw.’

Luc. 15:21 ပူးပေါင်းရင်းမြစ်များ

1 Korinto 8:12

Aw pineokit te inang niyo megkedaet se aneng-aneng te doma niyo, sìyan wedà pa ontò ketaga-taga te kebenalan, kenà olò sikandin se keselaan niyo, meneng mekesalà kaw heman ki Cristo.

Roma 2:4

Ikà niyo eg-aneng-aneng te eked kaw pelumuni te Timanem tandà te kedakel aw kedalem te pedowan din. Iling te nelibelan niyo te gayed medalem se pedowan te Timanem kenyo so ibeg din megselsel kaw.

Luc. 15:20

Penga niyan, timindeg sikandin aw minolì. “Pengkey mediyò pa se balay, meneng kinità sikandin te amay din aw neidowan din. Kimagnan se amay doton te batà din, aw kimeles kandin, aw nengadek kandin.

Luc. 15:22

Meneng timawal se amay din diyà te menge sineligan, kagi din, ‘Kegaen kaw. Ibingi niyo se ontò mèpiya saol ekasan din. Pepeningsingi niyo heman sikandin, aw pesepetosi niyo.