Luc. 15:10 - Manobo Sarangani

¹⁰ Penenalan kaw te kagi ko. Iling heman kenyan, meluba se menge anghil te Timanem pengkey olò sebad se otaw megselsel te salà din.”

Luc. 15:10 ပူးပေါင်းရင်းမြစ်များ

Luc. 15:7

Nayan, penenalan kaw te kagi ko. Iling heman kenyan, pengkey sidebok se otaw nelegeb te salà, aw megselsel sikandin, doen keluba doton te langit labi pa dakel diyà te keluba tepad te kesyaman teg siyam otaw wedà pegselsel so eg-inang dan te metòlid.”

2 Korinto 7:10

Ibeg te Timanem, melidò se otaw nekesalà amon megselsel. Kenà iyan medaet, so yan se peokit te pegpelowà lekat te salà. Meneng se otaw melidò aw eked pegselsel, yan se eked begayi te kaling pedowan wedad temanan.

Luc. 13:5

Penenalan kaw te kagi ko kenyo. Aw eked kaw pegselsel te salà niyo, matay se kedita niyo iling kandan.”

Mat. 18:14

Iling heman kenyan se keluba te Amay ko doton te langit, so eked sikandin keibeg aw doen sakop din medanà mekesoway lekat kandin, pengkey sebad.”

Menge Hebreo 1:14

Nayan, netegahan tadon den ini. Se menge anghil, yan olò se egsogò-sogoen te Timanem. Pengkey eked dan kitai te otaw, meneng ipegsogò dan te Timanem amon megtabang dan te kedita tadon ipelowà din.

Ininang 11:18

Pegdineg dan te inikagi din, wedà den dan sila kandin, meneng induyun dan se Timanem, so minikagi dan, “Pengkey menge otaw kenà Judiyo, mepakay aw megselsel dan te salà aw somalig dan ki Jesus amon begayan dan te Timanem te kaling pedowan.”

Luc. 7:47

Penenalan ka kanak. Pengkey ontò medita se salà te bayi seini, meneng pigwedad den te Timanem se kedita te salà din, aw yan se doun te impetaga-taga den te bayi te ontò dakel se pedowan din kanak. Meneng simpana kenà medita se salà te otaw pigwedad te Timanem, eked din ontò petega-tegahi te dakel se pedowan din diyà te Timanem.”

Mat. 18:10

“Keilangan eked kaw peglindò te sakop ko medanà iling te kedanà te mengisù seini, so mikagi a den diyà kenyo te egtonggoan dan te menge anghil gayed egdoma te Amay ko doton te langit. [

Filemon 1:15

Lekat besi te ibeg te Timanem se pegkesayo i Onesimo lekat kamno te wedà kenamay amon todà no meabat te wedad temanan.

Ininang 5:19

Meneng pegkedelem niyan, inowang te anghil te Timanem se tetakep te keleboso aw impelowà din dan. Doen impunù din kandan, kagi din,

Mat. 10:32

“Aw mikagi se otaw diyà te doma te ontò sikandin migpesakop diyà kanak, mikagi a heman diyà te Amay ko doton te langit te sakop ko se otaw sìyan.

Luc. 12:8

“Penenalan kaw te kagi ko seini. Aw mikagi se otaw diyà te doma te ontò sikandin migpesakop diyà kanak Timanem Migpekeotaw, mikagi a heman diyà te menge anghil te Timanem te sakop ko sikandin.

Luc. 12:9

Meneng aw mikagi se otaw te kenà sikandin sakop ko, eked a heman ikagi diyà te menge anghil te Timanem te sakop ko sikandin.

Luc. 15:9

Aw kitaen din iyan, tewalen din se menge sigalak din aw menge simbalay, kagi din, ‘Keilangan meluba kaw heman, so kinità ko den se kwarta netalon.’

Luc. 15:11

Minikagi heman si Jesus, “Doen otaw dowa se batà din meama.