Luc. 14:7 - Manobo Sarangani

⁷ Pegpenenoo dan kidoen te lemisa, kinità i Jesus te gayed migpeonà-onà se menge otaw amon menenoo dan diyà te bangkò impetagad te otaw melangkaw. Yan se doun te mig-indan sikandin te tegdeyanan diyà te kedita dan, kagi din,

Luc. 14:7 ပူးပေါင်းရင်းမြစ်များ

Luc. 11:43

“Mekelelayò kaw menge Parisiyo, so ibeg niyo menenoo kidoen te onsedanan impetagad kenyo doton te simbahan te Judiyo amon ipelangkaw kaw te doma otaw. Ibeg niyo heman segmanen kaw te doma otaw doton te pedyanan.

Filipos 2:3

Pengkey eden se inangen niyo, ikà niyo egkedemet. Ikà niyo egpelangkaw-langkaw. Meneng keilangan megpedanà kaw te kenyo pegkeotawun aw megsagman kaw te menge doma niyo.

Mat. 23:6

Aw doen dakel kànen, ibeg dan sikandan se monà ipekaen. Ibeg dan heman menenoo doton te mèpiya onsedanan kidoen te simbahan te Judiyo.

Luc. 20:46

“Peg-ahà kaw te menge menenoladà te punù ingkeliwat i Moises. Gayed dan egpenaol te melayat, aw ibeg dan segmanen dan te doma otaw doton te pedyanan. Ibeg dan heman menenoo doton te mèpiya onsedanan kidoen te simbahan te Judiyo. Ibeg dan heman, aw doen dakel kànen, sikandan se monà ipekaen.

3 Juan 1:9

Doen insolat ko diyà te menge otaw egpemenal kidoen kamno. Meneng wedà penenalan si Diotrefes te kagi ko, so ibeg din megpelangkaw-langkaw peden diyà te menge doma.

Mat. 13:34

Gayed migtoladà si Jesus te otaw netipon pineokit te tegdeyanan tepad te peglowan te Timanem, so impeokit din te tegdeyanan se kedita te intoladà din kandan.