Luc. 14:21 - Manobo Sarangani

²¹ Penga niyan, minolì se sineligan aw mig-indan kenyan diyà te amo din. Pegdineg te otaw kenyan, neopal sikandin, aw minikagi, ‘Kegaen ka doton te menge kersada aw menge dalan te lonsod, aw petekingi dini se otaw ketelaan no pengkey sagkep, aw nepantig, aw otaw bota, aw kapig.’

Luc. 14:21 ပူးပေါင်းရင်းမြစ်များ

Luc. 14:13

Meneng aw meg-inang ka te kànen, mèpiya aw ipetanod no se otaw sagkep, aw nepantig, aw kapig, aw bota.

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.

Mat. 11:5

Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Juan 9:39

Minikagi si Jesus, “Insogò a dini te keneyonan amon ipekità ko se awop te pedowan te kedita te otaw. Se otaw iling te bota so wedà dan kità te kebenalan, yan se tebangan ko amon komità dan. Meneng se otaw eden dan aw kimità dan te kebenalan, yan se pekitaan ko te iling dan te otaw bota.”

Luc. 14:24

Meneng se otaw tapay ko tinawal, eked ko dan palos pekàni te dakel kànen seini.’”

Menge Hebreo 2:3

Yan heman se doun te labi kidon din ipelumun aw eked kidon penenalan te kagi din tepad te ontò mèpiya kelowaan lekat te salà. Pengolo tadon se tagnà migpetaga-taga te doen kelowaan lekat te salà, aw doen heman menge otaw dimineg kandin migpetaga-taga kenitadon te keseligan se kagi din sìyan.

Impekità 22:17

Egtawal se Espiritu Santo aw esawa te Karniro, kagi dan, “Ayas kaw diyà.” Aw kedita te otaw menenalan, keilangan tomawal dan heman diyà te doma otaw, “Ayas kaw heman diyà.” Pengkey sinu se otaw nelao meibeg minem, doen wayeg ibowang kandin mekebegay te kaling pedowan.

Impekità 19:15

Lekat te bahà din, eglowà se sondang megalang, aw yan se kekamang din idaeg te kedita te eglowan kidoen te keneyonan. Aw lomowan sikandin, keilangan tomolò se kedita te otaw kandin. Inangen din se poon din iling te paras emegen te otaw meg-inang te bino, so ipekità din kandan se keopal te Timanem metolos.

Menge Hebreo 13:17

Tolò kaw te menge egpengibing te simbahan. Pegsagman kaw kandan, so insogò dan te Timanem amon meg-ipat dan kenyo. Keilangan keseligan dan, so doen aldaw te okomen dan te Timanem. Aw megsagman kaw kandan, meluba se pedowan dan. Meneng aw eked kaw pegsagman kandan, mepuluk se pedowan dan, aw wedad heman ontong kinewaen niyo.

Luc. 24:47

Doen heman kagi te Timanem insolat te keilangan megtoladà kaw diyà te kedita te otaw te keneyonan te pegwedaden te Timanem se salà dan aw megselsel dan aw memenal dan kanak. Keilangan megtebò kaw megtoladà kenyan dini te Jerusalem.

Mat. 11:28

“Aw migkelomay kaw den tandà te pegpengibing niyo te ontò mebegat kidoen te pedowan niyo, diyà kaw den kanak, so ebaten ko iyan diyà kenyo amon mekeetod kaw den.

Luc. 9:10

Nayan, peg-olì te menge sogounun i Cristo doton kandin, mig-indan dan diyà kandin tepad te kedita te ininang dan. Penga niyan, tinenanan dan se doma otaw aw inibing dan i Jesus doton te sebad lonsod iningedanan Bitsayda.

Mat. 18:31

Nayan, pegketaga-taga te menge kedomaan din kenyan, ontò nelidò se pedowan dan. Penga niyan, dimoton dan te selotan aw mig-indan dan te kedita te neinang din.

Mat. 15:12

Penga niyan, dimoton se menge tinoledaan i Jesus kandin, aw minikagi dan, “Neopal den se menge Parisiyo tepad te inikagi no sìyan.”

Luc. 14:20

Minikagi heman se doma otaw, ‘Kaling a pa nengognan, aw yan se doun te eked a peketanod.’

Luc. 14:22

Wedà kenamay, minikagi se sineligan, ‘Sir, timolò a den te impunù no kanak, meneng doen pa keombaan.’

Mat. 20:7

Timaba dan, ‘So wedad megtandan kenami.’ Minikagi sikandin, ‘Pegterbaho kaw heman doton te pawà ko.’