Luc. 14:13 - Manobo Sarangani

¹³ Meneng aw meg-inang ka te kànen, mèpiya aw ipetanod no se otaw sagkep, aw nepantig, aw kapig, aw bota.

Luc. 14:13 ပူးပေါင်းရင်းမြစ်များ

Luc. 14:21

Penga niyan, minolì se sineligan aw mig-indan kenyan diyà te amo din. Pegdineg te otaw kenyan, neopal sikandin, aw minikagi, ‘Kegaen ka doton te menge kersada aw menge dalan te lonsod, aw petekingi dini se otaw ketelaan no pengkey sagkep, aw nepantig, aw otaw bota, aw kapig.’

Menge Hebreo 13:2

Ikà niyo egkelibel te keilangan megsagman kaw te otaw mepanaw, pengkey wedà niyo kilelai. Liyag kaw kandan, so doen migsagman te otaw minapit doton kandan, meneng wedà dan ketaga-taga te menge anghil se minapit doton kandan.

Mat. 22:10

Penga niyan, dimoton dan te menge dalan, aw impetaking dan se kedita te otaw netelaan dan, pengkey mèpiya se keogpà dan aw pengkey kenà. Yan medita se otaw impetanod dan, aw nepenò den se balay.

1 Timoteo 5:10

Eked sikandin peekopi singed aw medengeg sikandin eg-inang te mèpiya. Pelistahi olò se ngadan te bayi balo mig-ipat te menge batà din aw migsagman te menge otaw gimemaw kandin, aw mig-onaw te benis te menge doma sakop te Timanem, aw migtabang te menge otaw nelimahan, aw migpekeaseb sikandin te medita kemolò te mèpiya inang.

1 Timoteo 3:2

Se otaw inangen egpengibing te simbahan, keilangan wedad palos isila kandin. Keilangan sebad olò se esawa din aw kenà eglakad. Keilangan biyasa sikandin memallì te metòlid inangen din. Keilangan tikbel sikandin. Keilangan besahan sikandin te menge doma otaw. Keilangan megsagman sikandin te menge otaw gomemaw kandin. Keilangan biyasa sikandin megtoladà.

Tito 1:8

Keilangan egsagman sikandin te menge doma otaw, aw egkeibeg megtabang kandan. Keilangan mèpiya se but din, aw metòlid se eg-inangen din egkelubahan te Timanem. Keilangan egpeketameng sikandin te ibeg te pedowan din.

Filemon 1:7

Ontò neluba se pedowan ko tandà te kedakel te pedowan no te menge doma otaw. Neantag se pedowan ko, so pineokit kamno neluba se kedita te otaw migpesakop diyà te Timanem.

Ininang 9:39

Yan timaking si Pedro kandan. Pegdateng din doton, inibing dan sikandin doton te gibelayan. Miglimpong se menge bayi balo diyà kandin, aw migkelag dan. Impekità dan kandin se menge saol aw dagom tinebil i Dorcas te wedà pa kematay.

Luc. 11:41

Keilangan lekat te keido te pedowan niyo se pegpemegay niyo diyà te otaw nelimahan, aw yan meinang kaw ontò mèpiya.

Mat. 15:30

Ontò medita se otaw dimoton kandin, aw inibing dan heman se menge doma otaw doen medita kemolò te mesakit. Doen menge kapig, aw nepantig, aw bota, aw omo, aw medita heman se doma otaw doen mesakit. Insawol dan doton dapag i Jesus, aw pinegolian din dan.

Luc. 14:12

Minikagi heman si Jesus diyà te otaw migpetanod kandin, “Aw meg-inang ka te dakel kànen, pengkey alas dosi aw delem, ikà egpetanod te menge sigalak no, aw kedowa no, aw menge gaked no, aw simbalay no meyeyaman. Aw yan se menge otaw ipetanod no, onawa se inangen dan kwani, so ipekaen ka dan heman iling te ininang no kandan.

Luc. 14:14

Aw iling kenyan se otaw ipetanod no, ontò ka meluba, so eked dan keinang se ininang no diyà kandan. Meneng Timanem se memegay kamno te ontong te aldaw te peg-antay din lekat te nematay te kedita te otaw mig-inang te metòlid.”