Luc. 13:32 - Manobo Sarangani

³² Minikagi si Jesus, “Pengkey biyasa sikandin eg-akal, doton kaw kandin, aw ikegihi niyo sikandin te eked a kelemitan kandin. Gayed a pa egpelowà te bosaw lekat te otaw, aw egpegolì a te otaw doen mesakit te seini aldaw aw kealdaw heman. Meneng ipengahen ko olò se inangen ko te iketelo aldaw.

Luc. 13:32 ပူးပေါင်းရင်းမြစ်များ

Menge Hebreo 2:10

Timanem se miglalang te yan se inangen din, so ibeg te Timanem mig-inang te kedita domuyun kandin, ontò medita se otaw meinang menge batà din aw inangen din melangkaw doma kandin. Yan metòlid se pegpeokit din ki Jesus diyà te kelimahan amon metoman se ibeg din, so pineokit te pegkematay din, impetaga-taga te Timanem te ontò mèpiya si Jesus migtoman te pegpelowà kenitadon lekat te salà.

Menge Hebreo 5:9

Pineokit te pegtayod din te kedita niyan, impetaga-taga din te ontò sikandin timolò, aw yan neinang sikandin Egpelowà te kedita te otaw tomolò kandin, amon begayan din dan te kaling pedowan wedad temanan.

Menge Hebreo 7:28

Kedengan, pineokit te menge punù ingkeliwat i Moises, eg-inangen telekagon te Judiyo se menge otaw egpekesalà. Meneng songkani, doen den pakang te Timanem nekeselilin te menge punù ingkeliwat i Moises, so ininang te Timanem se Batà din Telekagon tadon wedad salà din te wedad temanan.

Juan 10:32

Meneng minikagi si Jesus, “Medita se mèpiya ininang ko aw kinità niyo, so insogò a te Amay ko Timanem. Eden lay se ininang ko te imetayan a niyo?”

Mar. 6:14

Nayan, dimineg se selotan si Herod tepad te ininang i Jesus aw menge tinoledaan din, so ontò nedengeg si Jesus. Doen menge otaw eg-ikagi, “Sikandin besi si Juan Memonyagay neantay den lekat te nematay, aw yan se doun te eg-inangen din se kepelahan metolos.”

Juan 19:30

Penga te pegsopsop din, minikagi, “Nepenga den.” Penga niyan, timikelong sikandin aw nematay.