Luc. 13:29 - Manobo Sarangani

²⁹ Medita se otaw domateng lekat te kedita te ogpeanan te keneyonan, pengkey kenà dan Judiyo, aw ipeakop dan diyà te peglowan te Timanem.

Luc. 13:29 ပူးပေါင်းရင်းမြစ်များ

Ininang 28:28

Penenalan kaw kanak. Inindanan den se menge otaw kenà Judiyo te megpelowà se Timanem kandan lekat te salà, so menenalan dan kenyan.” [

Genesis 28:14

Inangen ko medita se bowad-bowad nikaw igsà eked dan kebilang iling te menge napò te tanà. Meg-ogpà se menge bowad-bowad no doton te kebelad te tanà pengkey kenan nikaw kitai. Mèpiya se ibegay ko diyà te kedita te otaw dini te keneyonan pineokit kamno aw bowad-bowad nikaw.

Kolasas 1:23

Meneng keilangan gayed kaw somalig diyà ki Jesu Cristo, aw keilangan lobosen niyo se pegpemenal niyo kandin. Ikà niyo egsoway lekat te kagi te Timanem pinemenalan niyo tepad ki Cristo, so doen den egpelimanan niyo. Yan se Mèpiya Indan intoladà den diyà te menge otaw doton te kebelad te keneyonan, aw yan heman se ipegtoladà ko.

Mar. 13:27

Isogò ko se menge anghil, aw ipetipon ko se kedita te otaw pinemallì ko lekat te kebelad te keneyonan, pengkey kenan dan peg-ogpà.”

Mat. 8:11

Metoman se kagi ko seini. Aw domateng se aldaw te peglowan te Timanem, medita se otaw domateng lekat te kedita te ogpeanan te keneyonan, pengkey kenà dan Judiyo. Ipeakop dan diyà te peglowan te Timanem sipat kemonaan niyo si Abraham, aw si Isaac, aw si Jacob.

Kolasas 1:6

intoladà den doton kenyo aw doton te kebelad te keneyonan. Medita den se doma otaw nemenal kenyan, aw eg-inang den dan te mèpiya. Mig-iling kaw heman kandan, so lekat te aldaw te pegdineg niyo te doen tabang te Timanem kenyo, olò mèpiya se eg-inangen niyo, so netegahan niyo den te benal iyan.

Luc. 13:30

Na, doen menge otaw medanà songkani, meneng meinang dan melangkaw kidoen te peglowan te Timanem. Doen heman menge otaw melangkaw songkani, meneng meinang dan kwani medanà.”