Luc. 13:28 - Manobo Sarangani

²⁸ Aw domateng se aldaw te peglowan te Timanem, ontò kaw megkelag aw megyangget-yangget se ngipen niyo tandà te kegemakan niyo, so kitaen niyo si Abraham, aw si Isaac, aw si Jacob, aw kedita te telekeliwat te kagi te Timanem gebii impeawop din. Meneng sikiyo se ipekesayo aw eked kaw peopi.

Luc. 13:28 ပူးပေါင်းရင်းမြစ်များ

Mat. 25:30

Na, se medaet otaw seini, ibingi niyo sikandin kidoen te lowà doton te kengitngitan amon ipelumun. Ontò megkelag se otaw kidoen, aw megyangget-yangget se ngipen dan tandà te kegemakan dan.’”

Mat. 22:13

Penga niyan, minikagi se selotan diyà te menge sineligan din, ‘Geposi niyo se belad din aw benis, aw ibingi niyo sikandin doton te lowà kidoen te kengitngitan amon ipelumun. Ontò megkelag se otaw doton, aw megyangget-yangget se ngipen dan tandà te kegemakan dan.’

Impekità 21:8

Meneng se kedita te otaw dàgen te kededàtan, aw eked tayod te pegsalig kanak, aw otaw nelegeb te salà, aw metibonò, aw eglayok te kenà kandan esawa, aw egketoigan, aw egsimba te kenà benal timanem, aw egkebolalaw, doen ontong te kedita dan kidoen te lanaw apoy aw esopri, yan se ikedowa kemetayun.”

2 Tesalonika 1:5

Pineokit kenyan, impetaga-taga te Timanem te metòlid se peg-okom din, so pineokit te pegtayod niyo te kelimahan egkeokitan niyo, ipetaga-taga din te neketagad kaw mekesakop diyà te peglowan din.

Impekità 22:15

Meneng se kedita te otaw eg-inang te mekeyàyà, aw egketoigan, aw eglayok te kenà kandan esawa, aw metibonò, aw egsimba te kenà benal timanem, aw kedita te otaw egkebolalaw aw egkeibeg te kebolelawan, yan se eked pekeawop te lonsod.

2 Pedro 1:11

Aw yan se eg-inangen niyo, ontò kaw ipeawop kidoen te peglowan i Jesu Cristo egpelowà kenitadon. Lomowan se Pengolo tadon te wedad temanan.

Luc. 16:23

Inibing sikandin doton te ogpeanan te otaw nematay, aw ontò sikandin ineleg kidoen. Limengag sikandin aw timengteng diyà ki Abraham ontò mediyò aw kidoen si Lazaro te tangkil din.

Luc. 14:15

Nayan, sagwa dimineg se sebad otaw kimaen doma din, minikagi sikandin, “Aw lomowan se Timanem, ontò kidon meluba aw ipetanod kidon din te peg-inang din te dakel kànen.”

Luc. 10:15

Sikiyo tege Kapirnaom, pengkey meibeg kaw megpelangkaw-langkaw taman te langit, meneng idagdag kaw doton te kilot.”

Mat. 24:51

Metoman sikandin ipelumun te amo din, so ipelumun sikandin iling te menge otaw eden dan aw egpenimanem dan. Ontò megkelag se otaw doton, aw megyangget-yangget se ngipen dan tandà te kegemakan dan.”

Mat. 13:50

Penga niyan, iagbel dan se otaw mededaet kidoen te apoy doton te kilot. Ontò dan megkelag doton, aw megyangget-yangget se ngipen dan tandà te kegemakan dan.”

Mat. 13:42

Penga niyan, iagbel se kedita dan kidoen te apoy doton te kilot. Ontò dan megkelag doton, aw megyangget-yangget se ngipen dan tandà te kegemakan dan.