Luc. 13:25 - Manobo Sarangani

²⁵ Aw megtakep se tig-apò te balay, pengkey tomawal kaw doton te lowà, eked kaw din peopi. Pengkey mikagi kaw, ‘Sir, owangi bag se tetakep nikaw.’ Meneng tomaba sikandin, ‘Wedà ko ketegahi aw kenan kaw lekat.’

Luc. 13:25 ပူးပေါင်းရင်းမြစ်များ

Mat. 25:41

“Penga niyan, mikagi a heman diyà te menge otaw lenged te bibang ko, ‘Ontò kaw ipelumun. Kesayo kaw den lekat kanak. Doton kaw den te kilot doen apoy eked palos kepadeng, so yan se integilan te Timanem amon doen egbelan din ki Satanas aw kedita te anghil din.

Luc. 13:27

Meneng mikagi sikandin, ‘Wedà ko ketegahi aw kenan kaw lekat. Kesayo kaw, kedita niyo eg-inang te medaet.’

Luc. 3:8

Aw migselsel kaw den, petega-tegahi niyo iyan pineokit te eg-inangen niyo. Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham amon somelilin dan kenyo.

Luc. 6:46

“Eked kepakay aw mikagi kaw te siak se Pengolo niyo singed aw tomolò kaw te ipegtoladà ko kenyo.

2 Korinto 6:2

Doen inikagi te Timanem, “Pegdateng te aldaw tapay pinemallì ko, impekità ko se keido ko kamno, aw tinebangan ta te pegkelowà nikaw.” Eneng-enengi niyo den ini. Seini den se aldaw tapay pinemallì te Timanem. Seini den se aldaw te pegpelowà te Timanem te menge otaw lekat te salà.

Menge Hebreo 12:17

Netegahan niyo besi heman te penga niyan, ibeg din megtawal-tawal se amay din diyà te Timanem amon begayan sikandin te mèpiya. Meneng wedà din iyan kebatog, so eked ketodà se ininang din pengkey ontò sikandin migkelag se migpeido-ido.