Luc. 13:24 - Manobo Sarangani

²⁴ “Pegpekagsen kaw mokit te lelebangan mesigpit. Penenalan kaw kanak. Medita se otaw meibeg mokit kidoen pesalo doton te peglowan te Timanem te modi aldaw, meneng eked dan peopi.

Luc. 13:24 ပူးပေါင်းရင်းမြစ်များ

Mat. 11:12

Te wedà pa pegtoladà si Juan, gayed migtoladà se menge telekeliwat aw simolat heman si Moises te doen aldaw megtebò se Timanem lomowan. Pengkey lekat te pegtebò te pegtoladà i Juan lamig seini, ontò neibeg se menge otaw megpesakop diyà te peglowan te Timanem, aw medita den se otaw mebolot meibeg peden meg-agaw te peglowan din.

Luc. 13:23

Doen otaw mig-insà kandin, kagi din, “Sir, pilabok lay se otaw mekelowà lekat te salà?” Timaba si Jesus,

Luc. 21:36

Yan se doun te keilangan gayed kaw meg-ahà, aw megtawal-tawal kaw te begayan kaw te Timanem te kagsen te pedowan amon meketayod kaw te kedita te kelimahan sìyan. Aw meketayod kaw, eked kaw keyàyà aw domateng a Timanem Migpekeotaw.”

Juan 13:33

“Menge batà ko, eked den kenamay se pegdoma ko kenyo. Penga niyan, pengkey pemehaen a niyo, meneng onawa se kagi ko kenyo te inikagi ko kedengan diyà te menge obanen te Judiyo, te eked kaw pa pekedoton te dotonan ko.

Juan 5:4

so seletà doen anghil te Timanem mebo kidoen te lanaw, aw megtigaw te wayeg kidoen. Penga niyan, aw ayas mebo se otaw diyà te wayeg, kegolian dan.]

Juan 6:27

Ikà niyo egpengemahà te kànen megkewedad te eked kenamay. Meneng pengemahà kaw te kànen eked pegkewedad aw mekebegay te pedowan wedad temanan. Yan se ibegay ko kenyo, so siaken se Timanem Migpekeotaw, aw impetaga-taga te Amay ko Timanem te siak se insogò din.”

Juan 7:34

Pengkey mengemahà kaw kanak, meneng eked kaw kità kanak, so eked kaw pekedoton te ogpeanan ko.”

Juan 8:21

Todà minikagi si Jesus diyà te menge otaw netipon, “Agpet den se pegkesayo ko. Pengkey mengemahà kaw kanak, meneng matay kaw te eked pegwedadi se salà niyo. Eked kaw pekedoton te dotonan ko.”

Roma 10:3

Wedà dan ketegahi te doen peokit ininang te Timanem amon eneng-enengen din te metòlid dan. Yan ininang dan beling se kandan peokit. Meneng wedà eneng-enengi te Timanem te metòlid dan, so wedà dan taking te peokit ininang din.

Kolasas 1:29

Yan se doun te ontò a egpekagsen te pegtoladà ko kenyan pineokit te kagsen imbegay te Timanem kanak.

Menge Hebreo 4:11

Yan, so doen mèpiya ogpeanan impetagad te Timanem kenitadon, keilangan megpekagsen kidon amon ipeogpà kidon din doma din doton te mèpiya ogpeanan sìyan impetagad din. Keilangan eked kidon peg-iling te menge kemonaan tadon sìyan, so wedà dan tolò aw yan wedà din dan peogpai doton.

2 Pedro 1:10

Menge kedowa ko, pinemallì kaw te Timanem aw tinawal kaw din. Yan pegpekeaseb kaw den megpetaga-taga te ontò kaw menge batà din pineokit te eg-inangen niyo, so aw mèpiya se eg-inangen niyo, eked palos pegkedaet se pegsalig niyo diyà kandin.