Luc. 13:19 - Manobo Sarangani

¹⁹ Iling iyan te ontò deitek benì intanem te otaw kidoen te pawà din. Timobò iyan aw timilles lamig neinang ontò dakel kayo, aw migsalag se manok kidoen.”

Luc. 13:19 ပူးပေါင်းရင်းမြစ်များ

Ininang 4:4

Meneng nemenal se medita otaw nenenalan ki Pedro aw si Juan. Menge lima melalan se kedita te otaw nemenal, sipat sìyan otaw tapay nemenal.

Ininang 2:41

Penga niyan, binonyagan dan se menge otaw nemenal te inikagi i Pedro. Doen menge telo melalan otaw nemenal te Timanem te aldaw sìyan, aw nekeakop dan diyà te otaw tapay nemenal.

Ininang 21:20

Pegdineg dan kenyan, induyun dan se Timanem. Penga niyan, minikagi dan diyà ki Pablo, “Mèpiya so nemenal den se menge otaw kenà Judiyo, meneng ikà egkelibel te minelalan heman se Judiyo nemenal ki Jesus. Measeb dan pa egtolò te punù ingkeliwat i Moises.

Mat. 17:20

Minikagi si Jesus, “Wedà niyo iyan kebatog so wedà pa kelobos se pegsalig niyo diyà kanak. Mikagi a den diyà kenyo te pengkey deitek pa se pegsalig niyo diyà kanak iling te kedeitek te benì te mostasa, mekebatog kaw mikagi diyà te bontod seini te malin iyan, aw tomolò iyan kenyo, so wedad palos eked niyo kebatog. [

Impekità 11:15

Penga niyan, mig-edop se ikepito anghil te bodyong din, aw doen medita dinineg ko kidoen te langit aw ontò dakel se kagi dan, “Se kedita te otaw te keneyonan nesakop den te peglowan te Pengolo tadon aw peglowan te Misiyas pinemallì din. Lomowan sikandin te wedad temanan.”

Roma 15:19

aw pineokit te menge kepelahan egkeinang, aw pineokit te tolos te Espiritu Santo. Yan migtoladà a te Mèpiya Indan tepad ki Cristo doton te kedita te ogpeanan lekat te Jerusalem taman te Ilirico.

Luc. 17:6

Minikagi se Pengolo, “Mikagi a den diyà kenyo te pengkey deitek pa se pegsalig niyo diyà kanak iling te kedeitek te benì te mostasa, mekebatog kaw mikagi diyà te dakel kayo te pispisen din se lawa din aw malin doton te dagat, aw tomolò iyan kenyo.”

Mar. 4:30

Minikagi heman si Jesus, “Meg-indan a den kenyo tepad te peglowan te Timanem pineokit te tegdeyanan seini.