Luc. 13:16 - Manobo Sarangani

¹⁶ Aw mepakay tebangan se ayam-ayam te aldaw te peg-etod, mepakay heman aw kegolian se bayi seini sebad bowad-bowad i Abraham aw impeeleg i Satanas te sempolò teg walo se omay. Keilangan tebangan sikandin pengkey aldaw te peg-etod.”

Luc. 13:16 ပူးပေါင်းရင်းမြစ်များ

Mar. 2:27

Minikagi heman si Jesus, “Migpunù se Timanem te doen aldaw te peg-etod kenà amon doen kelimahan te otaw, meneng amon doen kèpiyaan te otaw.

2 Timoteo 2:26

Yan mekelowà dan lekat te belad i Satanas, so sikandin se tapay migdakep kandan, aw kandin ibeg se egtoloen dan.

Ininang 13:26

“Penenalan kaw menge kedowa ko, menge bowad-bowad te kemonaan tadon si Abraham, aw kedita niyo egtolò te Timanem. Sikitadon se pinetega-tegahan te Timanem te doen den kelowaan lekat te salà.

Juan 8:44

Si Satanas se ontò amay niyo, aw se ibeg din medaet, yan heman se ibeg niyo inangen. Lekat te ketebò te keneyonan, egpengimatay sikandin. Wedad palos labut din te kebenalan, so wedad kebenalan diyà kandin. Aw megkebolalaw sikandin, yan se ketanem te pedowan din, so bolelawun sikandin, aw sikandin se eglekatan te kedita te kebolalaw.

Luc. 19:9

Minikagi si Jesus, “Aldaw seini, mekelowà ka den lekat te salà, so nemenal ka den kanak iling te pegpemenal i Abraham gebii.

Luc. 3:8

Aw migselsel kaw den, petega-tegahi niyo iyan pineokit te eg-inangen niyo. Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham amon somelilin dan kenyo.

Mat. 4:10

Meneng minikagi si Jesus, “Satanas, kesayo ka. Eked a pegsimba kamno, so doen kagi te Timanem insolat, ‘Timanem se Pengolo niyo aw sikandin se keilangan simbahen niyo, so sikandin olò se mepakay tekingan niyo.’”

Luc. 16:24

Timawal sikandin, ‘Apò Abraham, keidowi a bag. Sogoi si Lazaro megbawog te intetodò din diyà te wayeg amon ipetedak diyà te dilà ko, so ontò a ineleg dini te apoy seini.’