Luc. 13:15 - Manobo Sarangani

¹⁵ Minikagi si Jesus diyà kandin, “Tay law. Eden niyo aw egpenimanem kaw. Pengkey aldaw te peg-etod, gayed niyo eg-elinen se baka aw kodà niyo, aw eg-ibingen niyo dan doton te wayeg amon ipeinem niyo.

Luc. 13:15 ပူးပေါင်းရင်းမြစ်များ

Luc. 14:5

Penga niyan, minikagi si Jesus, “Aw doen batà niyo aw baka medagdag kidoen te sokian medalem, seini indà se inangen niyo. Ayas kaw megtabang amon mekelowà pengkey aldaw te peg-etod. Sinu lay diyà kenyo se eked pegtabang?”

Mat. 23:28

Iling kaw kenyan, so pengkey aneng-aneng te doma otaw metòlid se eg-inangen niyo, meneng nelegeb se pedowan niyo te kebolalaw aw kededàtan.”

Luc. 12:1

Nayan, dalem te pegtoladà i Jesus, minelalan se otaw netipon diyà kandin igsà migpegìtay dan te benis. Onà minikagi si Jesus diyà te menge tinoledaan din, “Peg-ahà kaw amon eked kaw ketini te salà te menge Parisiyo, so eden dan aw egpenimanem dan.

Luc. 6:42

Aw eked niyo kitai se batang kidoen te kenyo mata, eked kaw peketabang te doma niyo amon meabat se sagbet lekat te kandin mata. Kolang se aneng-aneng niyo te wedad salà niyo. Ebati niyo onà se batang lekat te kenyo mata, aw penga niyan metaen se pegkità niyo amon mengabat kaw heman te sagbet lekat te mata te doma niyo.”

Mat. 23:13

“Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so egbelebagan niyo se menge otaw egkeibeg megpesakop diyà te peglowan te Timanem. Medaet so wedà kaw pegpesakop diyà kandin, meneng labi pa medaet so wedà niyo pesekopi se otaw egkeibeg megpesakop diyà kandin. [

Mat. 15:14

Pebeyai niyo se menge Parisiyo. Iling dan te otaw bota megtelaman mengibing te doma. Meneng wedad otaw bota mekeagak te doma din bota, so medagdag se didowa dan doton te awang te tanà.”

Mat. 15:7

Tay law. Eden niyo aw egpenimanem kaw. Sikiyo se tinedoan te kagi te Timanem ingkeliwat i Isaias gebii,

Mat. 7:5

Kolang se aneng-aneng niyo. Ebati niyo onà se batang lekat te kenyo mata, aw penga niyan metaen se pegkità niyo amon mengabat kaw heman te sagbet lekat te mata te doma niyo.

Luc. 7:13

Pegkità te Pengolo te inay te nematay, ontò sikandin neido aw minikagi, “Ikà egkelag.”

Luc. 7:19

Impeangay i Juan se dowa tinoledaan din, aw insogò din dan doton te Pengolo amon meg-insà dan aw sikandin se ontò insogò te Timanem pinelimanan dan, aw doen pa doma domateng.