Luc. 12:5 - Manobo Sarangani

⁵ Meneng sebad se keilangan kelemitanan niyo, aw yan se Timanem, so aw mepenga se otaw matay, mebatog te Timanem ipedeleg sikandin doton te kilot. Yan se doun te keilangan Timanem se kelemitanan niyo.

Luc. 12:5 ပူးပေါင်းရင်းမြစ်များ

2 Pedro 2:4

Gebii doen menge anghil mig-inang te salà, meneng wedà din dan keidowi, so impeibing din dan doton te kilot. Impegapos din dan doton te kengitngitan lamig domateng se aldaw te peg-okom.

Mat. 10:28

Ikà niyo egkelemitan te otaw, so olò lawa niyo se mebatog dan imetayan, kenà pedowan niyo wedad temanan. Meneng sebad se keilangan kelemitanan niyo, aw yan se Timanem, so mebatog din pegbàtan se pedowan aw lawa te otaw doton te kilot.

Impekità 14:7

Timawal sikandin te dakel se kagi din, “Segmani niyo se Timanem. Duyuni niyo heman sikandin, so dimateng den se aldaw te ipelumun din se kedita te poon din. Keilangan simbahen niyo sikandin mig-inang te langit, aw tanà, aw dagat, aw kedita te wayeg.”

Menge Hebreo 10:31

Ontò mekelelamit se pelumun domateng diyà te otaw ipelumun te Timanem wedad temanan din.

Impekità 20:14

Penga niyan, in-agbel doton te lanaw apoy se kemetayun aw ogpeanan te otaw nematay, aw yan se temanan niyan. Se lanaw apoy, yan se iningedanan Ikedowa Kemetayun.

1 Tesalonika 4:6

Yan keilangan wedad palos otaw meg-inang te salà tepad kenyan aw meglegawa te doma otaw. Yan se impunù day kenyo kedengan, so ipelumun te Timanem se otaw eg-inang te medaet iling kenyan.

Mat. 25:41

“Penga niyan, mikagi a heman diyà te menge otaw lenged te bibang ko, ‘Ontò kaw ipelumun. Kesayo kaw den lekat kanak. Doton kaw den te kilot doen apoy eked palos kepadeng, so yan se integilan te Timanem amon doen egbelan din ki Satanas aw kedita te anghil din.

Impekità 15:4

E Pengolo day, Segmanen ka aw iduyun ka te kedita te otaw, So sebad no se eg-inang te ontò metòlid. Simbahen ka te otaw lekat te kedita te lonsod, So impekità no den te metòlid se kedita te ininang nikaw.”

Mat. 5:22

Meneng mikagi a den diyà kenyo te pengkey olò meopal se otaw diyà te doma, ibingen sikandin doton te otaw eg-osay. Aw mikagi se otaw te medaet diyà te doma, ibingen sikandin doton te kelengkawan te oseyanan. Aw mikagi se otaw diyà te doma, ‘Book ka,’ ibingen sikandin doton te apoy te kilot.

Mat. 25:46

Penga niyan, ipedeleg dan doton te pelumun wedad temanan. Meneng se otaw eg-inang te metòlid, begayan dan te kaling pedowan wedad temanan.”

Mar. 13:23

Meneng peg-ahà kaw, so mig-indan a den te kedita diyà kenyo te eked pa dateng.”