Luc. 12:48 - Manobo Sarangani

⁴⁸ Meneng aw doen salà inangen te sineligan wedà ketaga-taga aw eden se ibeg te amo din, ipelumun heman sikandin, meneng kenà ontò. Se otaw binegayan te dakel, keilangan ontò mèpiya se pegpengibing din kenyan. Se otaw dakel se insalig te doma otaw kandin, keilangan ontò sikandin egkeseligan.”

Luc. 12:48 ပူးပေါင်းရင်းမြစ်များ

Santiago 3:1

Menge kedowa ko, mèpiya aw pilabok se otaw meibeg meinang menenoladà, so netegahan niyo te kenà meagka se pegtoladà te kagi te Timanem. Simpana medaet se eg-inangen day egtoladà, labi pa mebegat se pelumun te Timanem kenami.

Juan 15:22

Simpana wedà a dini amon megtoladà a kandan, yan eked heman petega-tegahi se salà dan seini. Meneng so dimini a, eked den dan pekeikagi te wedad salà dan.

Mat. 13:12

Se otaw kominawà te kebenalan, yan se dogangan te kebenalan amon labi pa dakel diyà te keilangan din. Meneng se otaw eked kinawà te kebenalan, yan se pegwedadan te kebenalan.

1 Timoteo 1:13

Kedengan te wedà a pa pemenal, migtompuyus a kandin, aw nemilang a te menge sakop din, aw nebensi a kandan. Meneng neidowan a din pa, so peg-inang ko kenyan, wedà a pa pemenal kandin, aw yan wedà ko ketegahi te medaet se ininang ko sìyan.

Ininang 17:30

Pengkey kedengan pinebeyaan te Timanem se eg-inangen te otaw so wedà dan pa ketaga-taga kandin, meneng songkani impunù din te megselsel se kedita te otaw,

1 Timoteo 1:11

Yan se kebenalan tepad te Mèpiya Indan insalig diyà kanak te Timanem metolos aw ipegduyun.

Luc. 16:2

Penga niyan, tinawal te datò se otaw sìyan, aw minikagi, ‘Medaet se dinineg ko tepad kamno. Ibingi dini se kedita te libro tepad te kwarta insalig ko diyà kamno, so eked a den salig kamno.’

1 Timoteo 6:20

E Timoteo, peg-ahà ka te metòlid se pegtoladà no te kebenalan insalig kamno. Ikà eg-inabut te balaw eked keibegi te Timanem aw kebolalaw ipegtoladà te menge otaw eden dan aw doen kebiyasa imbegay te Timanem kandan,

Tito 1:3

aw yan pegdateng te aldaw pinemallì din, impetaga-taga din iyan pineokit te kagi din. Yan se kebenalan insalig din kanak aw ipegtoladà ko, so insogò a te Timanem egpelowà kenitadon lekat te salà.

Luc. 12:41

Mig-insà si Pedro, kagi din, “Pengolo, sinu lay se inikegiyan no te tegdeyanan sìyan? Diyà olò kenami, aw diyà te kedita te otaw?”

Luc. 12:49

“Dimini a amon ibingen ko se iling te apoy dini te tanà, aw ibeg ko peden mekelegeb iyan diyà kenyo seini.

Mat. 23:14

Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so eg-agaw kaw te kedònan te bayi balo, aw penga niyan menamay se pegtawal-tawal niyo amon megpelingo-lingo kaw te melobos se pedowan niyo diyà te Timanem. Yan se doun te metoman kaw ontò ipelumun labi pa diyà te doma otaw.]