Luc. 12:37 - Manobo Sarangani

³⁷ Aw domateng se amo dan, ontò dan meluba aw wedà dan tedogi aw neketagad dan. Eneng-enengi niyo se kagi ko seini. Mèpiya se inangen din diyà kandan. Meg-ekas se amo dan, aw sikandin se megpepenenoo kandan kidoen te lemisa aw megpekaen kandan.

Luc. 12:37 ပူးပေါင်းရင်းမြစ်များ

2 Pedro 3:14

Nayan, kedita niyo egkedekelan ko te pedowan, dalem te pegtagad niyo te aldaw sìyan, keilangan megpekeaseb kaw menimanem amon wedad salà niyo isila te Timanem, aw amon melinaw se pedowan niyo.

Mat. 24:42

Yan se doun te keilangan gayed kaw megpeketagad, so wedà niyo ketegahi aw eden eldawi se peglikò ko Pengolo niyo.

Filipos 1:23

Ontò egdowa-dowa se aneng-aneng ko tepad kenyan. Doen ibeg te pedowan ko domoton a te langit, so labi pa mèpiya aw meg-ogpà a doton doma ki Cristo.

1 Korinto 2:9

So doen kagi te Timanem insolat, “Doen integilan te Timanem ibegay din diyà te kedita te otaw dakel se pedowan dan kandin, aw labi pa iyan mèpiya diyà te pengkey eden se dinineg tadon, aw kinità tadon, aw neeneng-enengan tadon.”

Impekità 14:13

Penga niyan, doen dinineg ko minikagi diyà kanak lekat te langit, “Solati inì. Meluba se otaw matay aw tapay dan simalig diyà te Pengolo.” Minikagi se Espiritu Santo, “Ontò dan meluba, so wedad den terbaho dan lekat seini, aw mekeetod den dan, so doen ibowang kandan tandà te mèpiya inang dan.”

2 Pedro 1:11

Aw yan se eg-inangen niyo, ontò kaw ipeawop kidoen te peglowan i Jesu Cristo egpelowà kenitadon. Lomowan se Pengolo tadon te wedad temanan.

Juan 12:26

Aw meibeg se otaw meinang sogounun ko, keilangan tomaking kanak, so pengkey kenan a pesalo, doton heman se sogounun ko. Iduyun te Amay ko se sogounun ko.”

Luc. 21:36

Yan se doun te keilangan gayed kaw meg-ahà, aw megtawal-tawal kaw te begayan kaw te Timanem te kagsen te pedowan amon meketayod kaw te kedita te kelimahan sìyan. Aw meketayod kaw, eked kaw keyàyà aw domateng a Timanem Migpekeotaw.”

Impekità 7:17

so egtonggoan dan te Karniro tangkil te onsedanan te peglowan. Ibingen din dan doton te olo te wayeg mekebegay te kaling pedowan wedad temanan. Ebaten heman te Timanem se kedita te puluk dan.”

Impekità 3:21

Se kedita te otaw eked dàgi te kededàtan, yan se ipeonsad ko kidoen te tangkil ko dalem te peglowan ko, iling te peg-onsad ko kidoen te tangkil te Amay ko penga te pegdaeg ko te kedita.

Filipos 1:21

Dalem te peg-ogpà ko dini lanto te tanà, si Cristo se ontò meelagà kanak. Meneng aw matay a, labi pa mèpiya se ontong ko so megdoma a kandin.

Luc. 17:8

Meneng onà megpunù se amo te keilangan meg-inang se sineligan te kànen aw meglamak kenyan. Penga te pegkaen te amo, yan mepakay aw komaen se sineligan.

Luc. 12:43

Aw domateng se amo din, ontò meluba se sineligan aw gayed egtolò te impunù te amo din.

Luc. 22:27

Aw doen otaw komaen kidoen te lemisa, aw doen heman otaw egtelaban kandin meglamak te kànen, netegahan niyo te labi pa melangkaw se otaw egpenenoo. Meneng pengkey siak se Pengolo niyo, meneng iling a te otaw egsogoen niyo.

Impekità 16:15

Yan tinipon te telo bosaw se kedita te selotan aw sondalo dan kidoen te bontod iningedanan Armagidon diyà te kagi te Hebreo. Meneng minikagi se Pengolo, “Na, iling te pegdateng te menenakaw se pegdateng ko, so wedad metaga-taga aw kano. Mèpiya se otaw eked tedogi so megpeliman kanak. Meluba se otaw gayed egpenenaktun so meketagad te pegdateng ko amon eked sikandin keyàyà aw megkità a kandin.”