Luc. 12:35 - Manobo Sarangani

^35-36 “Keilangan megpeketagad kaw te pengkey eden se domateng. Mèpiya aw iling kaw te menge sineligan egtagad te pegdateng te amo dan lekat te pista. Pengkey delem, gayed dan egpelegdeg te solò aw egpenaol dan amon somongon dan kandin te pegdateng din.

Luc. 12:35 ပူးပေါင်းရင်းမြစ်များ

1 Pedro 1:13

So netegahan niyo den iyan, yan keilangan megpeketagad kaw meg-aneng-aneng te metòlid. Keilangan megpekebatol kaw. Keilangan megpeliman kaw te mèpiya ibegay te Timanem diyà kenyo te aldaw te peglikò i Jesu Cristo.

Efeso 6:14

Yan pegpeketagad kaw iling te sondalo egpeketagad megbolaw te poon din. Iling te elen se peg-aneng-aneng niyo te kebenalan, aw iling te saol kinis se peg-inang niyo te metòlid.

Mat. 5:16

Iling heman kenyan, keilangan olò mèpiya se inangen niyo, so aw komità se menge doma otaw te mèpiya se eg-inangen niyo, iduyun dan se Amay niyo Timanem doton te langit.”

Mat. 25:1

“Iling heman kani se keteboan te peglowan te Timanem. Doen sempolò laga simongon te meama peipiden. Doen solò inibing te teg sebad-sebad kandan.

Filipos 2:15

amon wedad mekesila kenyo menge batà te Timanem. Pengkey eg-ogpà kaw doma te otaw eg-inang te medaet aw nelegeb te salà, meneng keilangan melobos se pedowan niyo aw metòlid se eg-inangen niyo. Iling kaw te menge bitoen eg-anyag kidoen te langit, so egkitaen kaw te doma otaw kenà egtaking te Timanem,