Luc. 12:31 - Manobo Sarangani

³¹ Yan pelowani niyo se Timanem diyà te kenyo pegkeotawun, aw yan begayan kaw din heman te keilangan niyo.”

Luc. 12:31 ပူးပေါင်းရင်းမြစ်များ

Mat. 6:33

Yan pelowani niyo se Timanem diyà te kenyo pegkeotawun, aw tolò kaw te ibeg din, aw yan begayan kaw din heman te keilangan niyo.

Luc. 10:42

Meneng sebad olò se kolang nikaw. Labi pa mèpiya se ininang i Maria, aw eked ko segdahi se pegpenenalan din kanak.”

Luc. 12:30

Se kedita te otaw kenà egsalig te Timanem, gayed dan egketetana tepad te keogpà dan. Meneng netegahan den te Timanem se kepulukan niyo.

Juan 6:27

Ikà niyo egpengemahà te kànen megkewedad te eked kenamay. Meneng pengemahà kaw te kànen eked pegkewedad aw mekebegay te pedowan wedad temanan. Yan se ibegay ko kenyo, so siaken se Timanem Migpekeotaw, aw impetaga-taga te Amay ko Timanem te siak se insogò din.”

Roma 8:31

Aw meg-aneng-aneng kidon tepad te kedita te kèpiyaan ininang te Timanem kenitadon, ketegahan tadon te wedad palos mekedaeg kenitadon so egdomaan kidon te Timanem.

1 Timoteo 4:8

Aw megpekagsen kidon te lawa tadon, doen ontong tadon. Meneng labi pa mèpiya se ontong tadon aw megpekagsen kidon tomolò te Timanem, so pineokit kenyan, mèpiya se keogpà tadon dini songkani aw doton heman te langit te modi aldaw.

Menge Hebreo 13:5

Ikà niyo egpengewarta. Keilangan meluba kaw te kedònan neabat niyo, so minikagi se Timanem, “Eked a palos tanan kenyo. Eked a palos lowat kenyo.”