Luc. 12:24 - Manobo Sarangani

²⁴ Eneng-enengi niyo tepad te menge owak. Kenà dan egpenanem. Kenà dan heman eglegani. Wedad heman pol egsolan dan te kànen. Meneng gayed dan egbegayan te Timanem te kànen. So eg-ipaten te Timanem se kedita te manok te kebenesan pengkey iling te wedad keelagà dan, ontò kaw din ipaten, so meelagà kaw pa diyà te kedita te manok te kebenesan.

Luc. 12:24 ပူးပေါင်းရင်းမြစ်များ

Luc. 12:7

So eg-ipaten te Timanem se kedita te manok te kebenesan pengkey iling te wedad keelagà dan, ontò kaw din ipaten, so meelagà kaw pa diyà te kedita te manok te kebenesan. Pengkey logay niyo, netegahan te Timanem aw pila se kedita niyan. Yan ikà niyo egkelemitan.”

Mar. 6:26

Ontò nelidò se pedowan i Herod. Meneng so migsapà sikandin, aw eked keibeg silahen te menge otaw timanod, eked sikandin tomalis te pakang din diyà te laga.

Mat. 3:12

Iling sikandin te otaw egpepalid te trigo eggiyeken din, amon isawol din te buun aw ibingen din doton te balay. Meneng se ohot aw tipig, yan se sonogen din te apoy kenà egkepadeng.”

Mat. 6:26

Eneng-enengi niyo tepad te menge manok te kebenesan. Kenà dan egpenanem. Kenà dan heman eglegani. Kenà dan heman eglodok te kànen dan kidoen te pol. Meneng gayed dan egbegayan te Amay niyo Timanem te kànen. So eg-ipaten te Timanem se kedita te manok te kebenesan pengkey iling te wedad keelagà dan, ontò kaw din heman ipaten, so meelagà kaw pa diyà te kedita te manok te kebenesan.

Luc. 12:18

Na, seini se inangen ko. Gobalen ko se tapay pol, aw penga niyan inangen ko se pol labi pa dakel, aw yan se solanan ko te kedakel te ginani ko aw kededònan ko.

Luc. 12:23

So binegayan kaw den te Timanem te ontò meelagà, sìyan pedowan niyo aw lawa niyo, yan ikà niyo egketetana tepad te kànen aw ekasan niyo.