Luc. 12:20 - Manobo Sarangani

²⁰ Meneng minikagi se Timanem, ‘Wedad palos inenengen nikaw. Matay ka den te delem seini. Pengkey dakel den se kededònan no, meneng ibegay se kedakel niyan diyà te doma otaw.’

Luc. 12:20 ပူးပေါင်းရင်းမြစ်များ

Luc. 11:40

Wedad inenengen niyo. Ininang kaw te Timanem, aw ibeg din, tomalag mèpiya se pedowan niyo aw eg-inangen niyo.

1 Tesalonika 5:3

Aw mikagi se menge otaw te wedad samok aw wedad kelemitanan, yan pegketà detengan dan te mekebebaet, iling te pegtebò te mesakit domateng te bayi agpet tebawan. Eked dan pekelowà lekat kenyan.

1 Timoteo 6:17

Pegpunù ka te menge otaw doen dakel kedònan songkani te keilangan eked dan pegpelangkaw-langkaw. Eked kepakay aw kedònan dan se seligan dan, so eked ketegahi aw kano iyan pegkewedad. Meneng Timanem se keilangan seligan dan, so bowasag sikandin diyà kenitadon. Egpemegay sikandin te kedita te kelidoan tadon amon mèpiya se keogpà tadon.

1 Timoteo 6:7

Pegtebaw tadon, wedad palos kedònan inibing tadon dini te keneyonan. Aw matay kidon, wedad heman palos kedònan ibingen tadon lekat dini.

Santiago 4:14

Kolang iyan, so wedad palos otaw metaga-taga te eden se meinang pengkey kealdaw. Iling te labon eg-ibingen te kelamag se keogpà tadon dini te keneyonan, so megkewedad iyan te eked kenamay.