Luc. 12:18 - Manobo Sarangani

¹⁸ Na, seini se inangen ko. Gobalen ko se tapay pol, aw penga niyan inangen ko se pol labi pa dakel, aw yan se solanan ko te kedakel te ginani ko aw kededònan ko.

Luc. 12:18 ပူးပေါင်းရင်းမြစ်များ

Santiago 3:15

Kolang se kebiyasa te otaw iling kenyan, so kenà iyan lekat te Timanem, meneng lekat iyan te medaet ibeg te otaw dini te keneyonan egtaking te menge bosaw.

Santiago 4:15

Labi pa mèpiya aw mikagi kaw kani, “Aw meibeg se Timanem, eked kay tagmon kematay, aw doen pa heman inangen day.”

Luc. 18:6

Minikagi heman se Pengolo, “Na, eneng-enengi niyo se inikagi te howis, so pengkey kenà egpenimanem, meneng tebangan din se otaw gayed egpemoyò.

Luc. 12:21

Iling heman kenyan se meinang diyà te otaw egkeyaman, meneng wedad aneng-aneng din diyà te Timanem.”

Luc. 18:4

Meneng wedà pegtabang se howis kandin. Nayan, pegkenamay, mig-aneng-aneng se howis, ‘Pengkey kenà a egpenimanem aw kenà a heman egkeido te doma otaw,

Mat. 6:26

Eneng-enengi niyo tepad te menge manok te kebenesan. Kenà dan egpenanem. Kenà dan heman eglegani. Kenà dan heman eglodok te kànen dan kidoen te pol. Meneng gayed dan egbegayan te Amay niyo Timanem te kànen. So eg-ipaten te Timanem se kedita te manok te kebenesan pengkey iling te wedad keelagà dan, ontò kaw din heman ipaten, so meelagà kaw pa diyà te kedita te manok te kebenesan.

Luc. 12:17

Penga niyan, mig-aneng-aneng sikandin, ‘Megmeno a? So wedad den keombaan te pol solanan te ginani ko.

Luc. 12:19

Penga niyan, aneng-aneng ko, botong den se kepulukan ko te pengkey pila se omay. Mepakay den aw eked a pegterbaho. Olò a den komaen, aw minem a, aw gayed a meluba.’

Luc. 12:24

Eneng-enengi niyo tepad te menge owak. Kenà dan egpenanem. Kenà dan heman eglegani. Wedad heman pol egsolan dan te kànen. Meneng gayed dan egbegayan te Timanem te kànen. So eg-ipaten te Timanem se kedita te manok te kebenesan pengkey iling te wedad keelagà dan, ontò kaw din ipaten, so meelagà kaw pa diyà te kedita te manok te kebenesan.

Santiago 4:13

Penenalan kaw kanak, se kedita niyo eglalang. Simpana mikagi kaw, “Domoton kay kealdaw te doma lonsod, aw megtinda kay kidoen te sebad se omay, aw megkeyaman kay.”