Luc. 12:17 - Manobo Sarangani

¹⁷ Penga niyan, mig-aneng-aneng sikandin, ‘Megmeno a? So wedad den keombaan te pol solanan te ginani ko.

Luc. 12:17 ပူးပေါင်းရင်းမြစ်များ

Mat. 16:7

Migpebelaw-belaway se menge tinoledaan din, kagi dan, “Yan se inikagi din so wedad pan inibing tadon.”

Mat. 5:42

Pemegay kaw diyà te otaw memoyò kenyo, aw pemebeles kaw heman diyà te otaw meibeg meles.”

Luc. 10:25

Nayan, timindeg se sebad menenoladà te menge punù ingkeliwat i Moises. Ibeg din megtandà ki Jesus, aw yan se doun te mig-insà sikandin, kagi din, “Sir, eden lay se keilangan inangen ko amon metoman a kominawà te kaling pedowan wedad temanan?”

Luc. 11:41

Keilangan lekat te keido te pedowan niyo se pegpemegay niyo diyà te otaw nelimahan, aw yan meinang kaw ontò mèpiya.

Luc. 12:16

Penga niyan, mig-indan si Jesus te tegdeyanan, kagi din, “Doen otaw meyaman nekegani te ontò dakel.

Luc. 12:18

Na, seini se inangen ko. Gobalen ko se tapay pol, aw penga niyan inangen ko se pol labi pa dakel, aw yan se solanan ko te kedakel te ginani ko aw kededònan ko.

Luc. 12:22

Minikagi si Jesus diyà te menge tinoledaan din, “Yan se doun te mikagi a den diyà kenyo, ikà niyo egketetana tepad te keogpà niyo aw eden se kànen niyo. Ikà niyo heman egketetana tepad te lawa niyo aw eden se ekasan niyo.

Luc. 12:29

Ikà niyo egketetana tepad te kànen niyo aw inemen niyo. Ikà niyo heman egdowa-dowa.

Luc. 12:33

Keilangan ibeligyà niyo se kededònan niyo, aw ipemegay niyo se kwarta diyà te otaw nelimahan. Aw yan se inangen niyo, metipon kidoen te langit se ontong niyo eked palos pegkedaet, so eked iyan ketakaw kidoen, aw eked iyan heman kebàti.

Luc. 16:3

Nayan, mig-aneng-aneng se sineligan, ‘Agpet den wedad otaw megtandan kanak. Megmeno a? So kenà botong se keseg ko amon meg-inang a te pawà, aw meyàyà a aw meinang a metipemoyò.

Luc. 16:9

Minikagi heman si Jesus, “Seini se punù ko diyà kenyo. Tebangi niyo se menge doma otaw te kwarta niyo dini te keneyonan. Yan aw meamin iyan, ipeogpà kaw te Timanem doton te langit aw matay kaw.

Luc. 18:22

Pegdineg i Jesus kenyan, minikagi sikandin, “Sebad mendad se keilangan inangen nikaw. Beligyai se kedakel te kedònan no, aw iteped se kwarta no diyà te menge otaw nelimahan. Aw yan se inangen no, doen ontong kinewaen no doton te langit. Penga te pegteped no te kedakel niyan, likò ka dini aw taking ka kanak.”

Luc. 19:17

Minikagi se selotan, ‘Mèpiya se ininang nikaw. Pengkey deitek se imbegay ko diyà kamno, meneng keseligan ka, aw yan se doun te inangen ta den gobirnador lomowan diyà te sempolò lonsod.’

Luc. 3:11

Timaba si Juan, “Seini se inangen niyo. Aw doen dowa saol niyo, begayi niyo se sebad diyà te otaw wedad saol din. Aw doen kànen niyo, ilasi niyo se doma otaw wedad kànen din.”

Ininang 16:30

Inibing din dan doton te lowà aw mig-insà, kagi din, “Eden lay se inangen ko amon mekelowà a lekat te salà ko?”

Ininang 2:37

Pegdineg te menge otaw te inikagi i Pedro, ontò neantag se pedowan dan. Mig-insà dan ki Pedro aw doma sogounun i Cristo, kagi dan, “Elew, megmeno kay?”

Roma 12:13

Pegtabang kaw te menge doma sakop te Timanem nelimahan. Pegsagman kaw heman te menge otaw mepanaw.

1 Timoteo 6:17

Pegpunù ka te menge otaw doen dakel kedònan songkani te keilangan eked dan pegpelangkaw-langkaw. Eked kepakay aw kedònan dan se seligan dan, so eked ketegahi aw kano iyan pegkewedad. Meneng Timanem se keilangan seligan dan, so bowasag sikandin diyà kenitadon. Egpemegay sikandin te kedita te kelidoan tadon amon mèpiya se keogpà tadon.

1 Juan 3:16

Netegahan tadon den aw eden se ontò dakel pedowan, so neketagad si Jesu Cristo inimetayan amon megpelowà kenitadon lekat te salà. Yan sikitadon heman egpemenal, keilangan meketagad kidon imetayan amon ketebangan tadon se kedowa tadon.