Luc. 11:9 - Manobo Sarangani

⁹ Eneng-enengi niyo ini. Aw memoyò kaw diyà te Timanem, begayan kaw din. Aw mengemahà kaw, doen kitaen niyo. Aw tomawal kaw doton te lelebangan, ipeawop kaw.

Luc. 11:9 ပူးပေါင်းရင်းမြစ်များ

Mat. 21:22

Aw megtawal-tawal kaw diyà te Timanem, aw somalig kaw diyà kandin, metoman kaw din begayan te kedita te pemoyoen niyo.”

Mat. 21:31

Nayan, indani a niyo. Eden lay betai se timolò te amay din?” Timaba dan, “Kakay se timolò.” Minikagi si Jesus, “Eneng-enengi niyo se kagi ko kenyo seini. Medita den se otaw nekeonà kenyo migpesakop diyà te peglowan te Timanem, pengkey nelegeb dan te salà iling te menge iskribinti aw menge kepoyun.

Mat. 6:29

Meneng eneng-enengi niyo se kagi ko seini. Pengkey mèpiya se bawa te penenaktun te selotan si Solomon gebii, meneng labi pa mèpiya se bawa te bolak te kebenesan.

Mar. 11:24

Yan mikagi a den diyà kenyo, aw megtawal-tawal kaw diyà te Timanem, keilangan memenal kaw te binegayan kaw din den te pinemoyò niyo, aw metoman kinewaen niyo iyan.

Mar. 13:37

Se impunù ko kenyo seini, yan se ipunù ko heman diyà te kedita te otaw, te keilangan megpeketagad se teg sebad-sebad otaw.”

Luc. 11:10

Kominawà se kedita te otaw memoyò. Komità heman se kedita te otaw mengemahà. Ipeawop heman se kedita te otaw tomawal.

Juan 14:13

Pengkey eden se pemoyoen niyo diyà te Amay ko pineokit te ngadan ko, yan se inangen ko kenyo, amon kitaen niyo te melangkaw se Timanem pineokit te eg-inangen ko.

Juan 15:16

Kenà sikiyo se nemallì kanak, meneng siak se nemallì kenyo, aw isogò ko den sikiyo amon megterbaho kaw kanak aw mongo kaw heman te dakel pongo wedad keeminan. Yan aw doen pemoyoen niyo diyà te Amay ko pineokit te ngadan ko, yan se ibegay din kenyo.

Juan 15:7

Meneng aw meg-ogpà kaw diyà kanak, aw isawol niyo se menge kagi ko kidoen te pedowan niyo, mepakay aw memoyò kaw te keibegan niyo, aw yan se inangen ko kenyo.

Juan 4:10

Timaba si Jesus, “Aw netegahan no pa aw eden se ibowang te Timanem kamno, aw netegahan no heman aw sinu se nemoyò te wayeg diyà kamno, sikona se memoyò diyà kanak, aw begayan ta te wayeg egpemegay te pedowan.”

Roma 2:7

Doen menge otaw gayed eg-inang te mèpiya amon iduyun dan te Timanem, aw amon meg-ogpà dan doma din doton te langit te wedad temanan. Yan se otaw begayan din te kaling pedowan wedad temanan.

2 Korinto 6:2

Doen inikagi te Timanem, “Pegdateng te aldaw tapay pinemallì ko, impekità ko se keido ko kamno, aw tinebangan ta te pegkelowà nikaw.” Eneng-enengi niyo den ini. Seini den se aldaw tapay pinemallì te Timanem. Seini den se aldaw te pegpelowà te Timanem te menge otaw lekat te salà.

Menge Hebreo 11:6

Eked palos keluba se Timanem pineokit te eg-inangen tadon singed aw somalig kidon diyà kandin. Aw megpedapag se otaw diyà te Timanem, keilangan memenal sikandin te doen Timanem, aw keilangan memenal heman sikandin te doen ontong ibegay te Timanem diyà te kedita te otaw mengemahà kandin.

Menge Hebreo 4:16

So doen Telekagon tadon, yan se doun te eked kidon sagkà te peg-apot tadon diyà te Timanem gayed egpenabang, amon keidowan kidon din, aw amon tebangan kidon din aw doen kelimahan tadon.

Santiago 1:5

Meneng aw doen otaw kidoen kenyo detengan te kelimahan, aw wedà ketaga-taga aw eden se inangen din, mèpiya aw memoyò sikandin diyà te Timanem amon ibegay din kandin se kebiyasa, so gayed egpemegay se Timanem diyà te kedita te otaw memoyò. Bowasag sikandin diyà kandan, aw eked din dan heman peyàyai.

Santiago 5:15

Aw megtawal-tawal se otaw egsalig diyà te Timanem, kegolian te Timanem se otaw nesekitan. Aw doen salà ininang din, pegwedaden iyan te Timanem.

1 Juan 3:22

Pengkey eden se pemoyoen tadon diyà kandin, netegahan tadon te mekinawà tadon iyan, so egtolò kidon te menge punù din aw ibeg din.

Impekità 2:24

Doen pa ikegiyen ko diyà te kedita niyo tege Tiyatira wedà taking te medaet intoladà te bayi sìyan, diyà te kedita niyo wedà peg-iling te egtewalen din kebiyasa, meneng lekat iyan ki Satanas. Wedad den doma ipunù ko kenyo,