Luc. 11:7 - Manobo Sarangani

⁷ Simpana tomaba se otaw lekat didalem, ‘Ikà egsamok kanak. Netakep den se lelebangan ko, aw timedogi a den sipat menge mengisù ko. Eked a den enaw amon memegay a kamno.’

Luc. 11:7 ပူးပေါင်းရင်းမြစ်များ

Mat. 25:10

Yan dimoton dan te tinda amon mayad dan. Penga te pegkesayo dan, dimateng se otaw peipiden. Timaking heman se kedita te neketagad, aw dimoton dan te peipid. Penga te peg-awop dan kidoen te balay, tinakep se lelebangan niyan.

Luc. 11:8

Nayan, eneng-enengi niyo ini. Pengkey eked peden sikandin enaw amon megtabang kandin so sigalak din, meneng aw eked lengà se otaw memoyò, yan se doun te keilangan menaw sikandin amon memegay kandin te pengkey eden se kepulukan din.

Luc. 13:25

Aw megtakep se tig-apò te balay, pengkey tomawal kaw doton te lowà, eked kaw din peopi. Pengkey mikagi kaw, ‘Sir, owangi bag se tetakep nikaw.’ Meneng tomaba sikandin, ‘Wedà ko ketegahi aw kenan kaw lekat.’

Luc. 7:6

Yan timaking si Jesus kandan. Pegkedapag din kidoen te balay, doen menge sigalak te kapitan insogò din doton ki Jesus amon ikeliwat dan se kagi din seini, “Sir, pebeyai se pegdini no te balay ko, so medanà a diyà kamno, aw meyàyà a aw ipeawop ta diyà te balay ko.

Galasya 6:17

Lekat seini, mèpiya aw wedad otaw mengela te siak se sebad sogounun i Jesus, so doen den menge laas diyà te lawa ko lekat te pegpemilang te doma otaw kanak tandà te pegtaking ko ki Jesus.