Luc. 11:49 - Manobo Sarangani

⁴⁹ Yan se doun te minikagi se Timanem, ‘Isogò ko doton kandan se menge telekeliwat te kagi ko aw menge sogounun ko. Meneng doen imetayan dan, aw pemilangen dan heman se doma.’

Luc. 11:49 ပူးပေါင်းရင်းမြစ်များ

Mat. 22:6

Doen heman menge doma otaw minawid te sineligan, aw pinemilang dan, aw inimetayan dan.

Luc. 11:48

Pineokit te pegpalas niyo te lebeng dan, ipetaga-taga niyo te egtandù kaw te pegpengimatay te kemonaan niyo kandan. Kemonaan niyo se nengimatay te menge telekeliwat te kagi te Timanem, aw sikiyo se egpalas te menge lebeng dan.

Luc. 24:47

Doen heman kagi te Timanem insolat te keilangan megtoladà kaw diyà te kedita te otaw te keneyonan te pegwedaden te Timanem se salà dan aw megselsel dan aw memenal dan kanak. Keilangan megtebò kaw megtoladà kenyan dini te Jerusalem.

Juan 16:2

Domateng se aldaw eked kaw peopi kidoen te menge simbahan te Judiyo. Imetayan kaw heman te otaw meg-aneng-aneng te yan se ibeg te Timanem.

Ininang 1:8

Meneng ikà niyo egkelibel kani. Aw domateng se Espiritu Santo kenyo, ketebangan kaw din amon meg-indan kaw tepad kanak doton te Jerusalem, aw kidoen heman te kedita te ogpeanan te Judiya aw Samarya, aw pengkey taman te kebelad te keneyonan.”

Ininang 11:27

Dalem te kidoen dan pa te Antyokya, doen menge telekeliwat te kagi te Timanem dimateng lekat te Jerusalem.

Ininang 22:20

Netegahan dan heman te siaken se timanod te pegpengimatay dan te sogounun nikaw si Esteban, aw migsebad se pedowan ko diyà te menge otaw nengimatay kandin, so migtonggò a te saol linowas dan.’

Ininang 7:57

Meneng sinempengan te kedita te otaw se telinga dan amon eked dan dineg te kagi din. Migpuypuy dan tandà te keopal dan. Penga niyan, linimpongan dan si Esteban,

Ininang 8:3

Nemilang si Saulo te menge otaw egpemenal, aw timeped te menge balay dan amon dekepen din dan aw kelebosowen, pengkey meama aw bayi.

1 Korinto 1:24

Meneng se otaw tinawal te Timanem, pengkey Judiyo aw kenà Judiyo, yan se egpemenal ki Cristo migpekità kenitadon te tolos aw kebiyasa te Timanem.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

Efeso 4:11

Sikandin se nemegay kenitadon te menge kinemoloan te kebiyasa amon megpetebangay kidon. Doen menge sogounun i Cristo. Doen heman menge telekeliwat te kagi te Timanem. Doen heman menge otaw egtoladà te Mèpiya Indan tepad ki Cristo. Doen heman menge otaw biyasa egpengibing aw egtoladà te menge otaw egpemenal.

Kolasas 2:3

Si Cristo se kelekatan te kedakel te kebiyasa tepad te Timanem.

Impekità 16:6

Nemonò dan te menge sakop no aw telekeliwat te kagi no gebii, aw yan se doun te impeinem no den dan te dipanog. Mèpiya den, so nesàban den dan te ontong dan.”

Impekità 18:20

Keilangan meluba kaw tege langit, so nebàtan den iyan. Keilangan meluba kaw menge sakop te Timanem, aw sogounun i Cristo, aw telekeliwat te kagi te Timanem, so impelumun den te Timanem se lonsod sìyan tandà te pegpemilang niyan kenyo.