Luc. 11:46 - Manobo Sarangani

⁴⁶ Minikagi si Jesus, “Mekelelayò kaw heman menenoladà te punù ingkeliwat i Moises, so gayed niyo egdogangan se punù ontò melima toloen te otaw, meneng kenà kaw egtelaban te otaw meibeg tomolò kenyan.

Luc. 11:46 ပူးပေါင်းရင်းမြစ်များ

Luc. 11:52

“Mekelelayò kaw menge menenoladà te punù ingkeliwat i Moises. Iling kaw te otaw mig-eles te konsì te balay amon wedad mekeawop, so wedà kaw keibeg aw doen otaw mekelabet te kagi te Timanem insolat. Wedà kaw pemenal te kagi din, aw egbelebagan niyo heman se menge otaw egkeibeg memenal kenyan.”

Galasya 6:13

Sìyan menge otaw egtoladà te keilangan tomolò kaw te punù ingkeliwat i Moises aw tolien kaw, wedà dan man ketolò se kedita te punù sìyan. Meneng ibeg dan tolien kaw amon iduyun se kandan pegkeotawun pineokit te pegtolò niyo kandan.

Luc. 11:45

Doen sebad menenoladà te punù ingkeliwat i Moises minikagi diyà ki Jesus, “Sir, peg-ikagi no kenyan diyà te menge Parisiyo, sinila kay heman doma dan.”

Mat. 22:35

Doen Parisiyo biyasa egtoladà te menge punù ingkeliwat i Moises. Ibeg din megtandà ki Jesus, aw yan se doun te mig-insà sikandin,