Luc. 11:40 - Manobo Sarangani

⁴⁰ Wedad inenengen niyo. Ininang kaw te Timanem, aw ibeg din, tomalag mèpiya se pedowan niyo aw eg-inangen niyo.

Luc. 11:40 ပူးပေါင်းရင်းမြစ်များ

Genesis 1:26

Penga niyan, minikagi se Timanem, “Meg-inang kidon den te otaw iling kenitadon. Inangen tadon dan melangkaw diyà te kedita te ininang tadon, menge ikan, manok, ayam-ayam, aw menenanap dakel aw deitek.”

Genesis 2:7

Penga niyan, inabat te Timanem se tanà, aw yan se ginamit din te pegtiyon din te otaw. Penga niyan, inedop din se idong te otaw, aw yan binegayan din se otaw te pedowan.

Mat. 23:17

Iling kaw te otaw bota so eked niyo kitai se kebenalan. Wedad inenengen niyo, so pengkey melangkaw se bolawan impalas te dakel simbahan, meneng labi pa melangkaw se simbahan diyà te bolawan.

Mat. 23:26

Sikiyo menge Parisiyo, iling kaw te otaw bota, so eked niyo kitai se kebenalan. Keilangan onà kaw megligaw te didalem te baso aw sablag amon melinis se kedakel niyan.

Luc. 12:20

Meneng minikagi se Timanem, ‘Wedad palos inenengen nikaw. Matay ka den te delem seini. Pengkey dakel den se kededònan no, meneng ibegay se kedakel niyan diyà te doma otaw.’

Luc. 24:25

Penga niyan, minikagi si Jesus, “Tay law. Nepela a kenyo, so wedà kaw pa pemenal te kedita te inikagi te menge telekeliwat te kagi te Timanem gebii.

1 Korinto 15:36

Wedad inenengen te otaw eg-insà kenyan, so wedà dan eneng-enengi se benì ipanggas. Eked tobò se benì singed aw onà ilebeng.

Menge Hebreo 12:9

Egsagman kidon te menge amay tadon dini lanto te tanà pengkey migpelumun dan kenitadon. Yan keilangan labi kidon pa tomolò te Amay tadon doton diatas te langit, so aw tomolò kidon kandin, begayan kidon din te kaling pedowan wedad temanan.