Luc. 11:4 - Manobo Sarangani

⁴ Pegwedadi se salà ininang day diyà kamno, so egwedad kay te salà eg-inangen te doma otaw diyà kenami. Ikà egpeokit kenami diyà te peg-akal.’”

Luc. 11:4 ပူးပေါင်းရင်းမြစ်များ

Genesis 48:16

Sikona se migpelowà kanak amon wedad memeeleg kanak. Ibeg ko mèpiya se ibegay no diyà te didowa telaki seini. Ibeg ko eked palos kelibeli se ngadan ko aw ngadan te menge kemonaan ko si Abraham aw si Isaac pineokit te didowa apò ko seini. Ibeg ko heman, megkedita se batà dan aw menge bowad-bowad dan.”

Mat. 18:35

Minikagi si Jesus, “Aw eked kaw ontò pegwedad te salà te doma otaw, iling heman kenyan se inangen te Amay ko diyà kenyo. Eked kaw din keidowi.”

Mat. 26:41

Ikà niyo egtedogi. Meneng pegtawal-tawal kaw amon eked kaw keboyo. Pengkey mèpiya se ibeg te pedowan niyo, meneng wedad kagsen te lawa niyo.”

Luc. 11:5

Migtoladà heman si Jesus kandan tepad te pegtawal-tawal, kagi din, “Simpana domateng se mepanaw diyà te balay te sigalak din, meneng wedad ipekaen te tig-apò te balay kandin. Seini se inangen din. Pengkey tengà te delem, domoton se otaw sìyan te simbalay, aw memoyò diyà te sigalak din, kagi din, ‘Elew, tebangi a bag, so doen sigalak ko dimateng lekat te mediyò, meneng wedad ipekaen ko kandin.’

Luc. 13:4

Eneng-enengi niyo se sempolò teg walo otaw netonganan te melangkaw kotà kidoen te Siloam. Pengkey negelà dan, meneng ikà niyo eg-aneng-aneng te labi pa medaet se salà dan diyà te kedita te tege Jerusalem.

Luc. 22:46

Linoka din dan aw minikagi sikandin, “Tay law. Nepela a so timedogi kaw. Enaw kaw den. Pegtawal-tawal kaw amon eked kaw keboyo.”

Luc. 8:13

Nayan, se benì nesabog diyà te tanà kebeto-betowan, yan se iling te otaw domineg te kagi te Timanem, aw meluba dan, aw tomolò dan kenyan te eked kenamay. Meneng aw meboyo dan, tenanan dan se pinemenalan dan, so iling dan te tinanem wedad nael dalid.

Juan 17:15

Memoyò a den kamno kenà amon ebaten no dan lekat te otaw egtaking te medaet dini te keneyonan, meneng ibeg ko meg-ipat ka kandan amon eked dan keekali i Satanas.

1 Korinto 10:13

Se tandà neokitan niyo, onawa iyan te tandà egkeokitan te menge doma otaw. Meneng egkeseligan se Timanem, so eked kaw din peokiti te tandà i Satanas eked niyo kebatog. Aw tendaen kaw, doen dalan inangen te Timanem amon mekelowà kaw, aw begayan kaw din heman te eneg amon meketayod kaw kenyan.

Kolasas 3:13

Keilangan megpetebangay kaw. Aw doen otaw meg-inang te salà diyà kenyo, keilangan pegwedaden niyo iyan amon megsebad kaw, so keilangan meg-iling kaw te Pengolo tadon te pegwedad din te menge salà ininang niyo.

2 Tesalonika 3:3

Meneng egkeseligan se Pengolo tadon. Sikandin se megpekagsen te pegsalig niyo diyà kandin aw megtonggò kenyo amon eked kaw dàgi i Satanas.

2 Timoteo 4:18

Pengkey eden se medaet inangen dan peden kanak, meneng ipelowà a din lekat kenyan aw ibingen a din doton te langit te kandin peglowan. Sikandin se iduyun te wedad temanan. Metoman iyan.

Santiago 2:13

Aw meg-okom se Timanem te kedita te otaw, eked din keidowi se otaw wedà keido te doma otaw nelimahan. Meneng aw meido se otaw te doma otaw nelimahan, wedad kelemitanan din aw okomen te Timanem.

Impekità 2:10

Ikà niyo egkelemitan te kelimahan agpet domateng kenyo. Doen menge otaw kidoen kenyo ipekeleboso i Satanas amon ketegahan aw ontò kaw egsalig kanak. Keilangan pemilangen kaw te eked kenamay, menge sempolò se aldaw. Pengkey imetayan kaw, salig kaw diyà kanak, so begayan ko sikiyo te ontong, sìyan korona te kaling pedowan wedad temanan.

Impekità 3:10

So ontò kaw timolò te impunù ko kenyo te keilangan tomayod kaw te kelimahan iling te kanak pegtayod te kelimahan, yan ontò a heman meg-ipat kenyo amon eked kaw detengi te ontò medaet kelimahan agpet domateng diyà te kedita te otaw te keneyonan.