Luc. 11:39 - Manobo Sarangani

³⁹ Meneng minikagi se Pengolo, “Sikiyo menge Parisiyo, gayed kaw eg-ingà aw eglalang te medaet. Iling kaw te otaw olò eg-onaw te lowà te baso aw lipong pengkey melipà pa se didalem niyan.

Luc. 11:39 ပူးပေါင်းရင်းမြစ်များ

Genesis 6:5

Kinità te Timanem te ontò medaet se eg-inangen te kedita te otaw dini lanto te tanà, aw tomalag medaet se aneng-aneng aw ibeg dan te kelikit te aldaw.

Mat. 15:19

Pedowan se kelekatan te medaet ibeg te otaw egbonò, aw eglakad, aw egpenakaw, aw egkebolalaw, aw egbaet-baet.

Mat. 7:15

“Peg-ahà kaw amon eked kaw keekali te menge otaw egpelingo-lingo telekeliwat te kagi te Timanem. Medaet se tod dan kenyo iling te mebolot menenanap te kebenesan iningedanan lobo egpelingo-lingo iling te ayam-ayam karniro amon megbaet te karniro.

Luc. 16:15

Meneng minikagi si Jesus, “Sikiyo se egpelingo-lingo te metòlid se eg-inangen niyo, meneng netaga-taga se Timanem te medaet se pedowan niyo. Pengkey megpelangkaw-langkaw kaw, meneng ontò iyan medaet diyà te Timanem.

Luc. 7:13

Pegkità te Pengolo te inay te nematay, ontò sikandin neido aw minikagi, “Ikà egkelag.”

Luc. 7:19

Impeangay i Juan se dowa tinoledaan din, aw insogò din dan doton te Pengolo amon meg-insà dan aw sikandin se ontò insogò te Timanem pinelimanan dan, aw doen pa doma domateng.

Juan 12:6

Yan se inikagi din kenà so egkeidowan din se otaw sagkep, meneng menenakaw sikandin, so gayed din eg-ebaten se kwarta insalig diyà kandin, so sikandin se egtonggò te kwarta te kedita dan.

Juan 13:2

Kimaen dan te iyambong. Kidoen heman si Judas Iscariote, batà i Simon, tapay binoyo i Satanas amon megtolok ki Jesus.

Ininang 5:3

Nayan, minikagi si Pedro, “Pigbayà-bayà ka i Satanas. Ibeg no peden megkebolalaw ka diyà te Espiritu Santo. Kenà nini se kedakel te keelagà te tanà imbeligyà nikaw.

Galasya 1:14

Labi a pa measeb diyà te doma ko menge Judiyo onawa te idad ko te peg-iling te punù ingkeliwat i Moises, so labi a pa measeb diyà kandan te pegtolò ko te kedita te ketanem te kemonaan day.

2 Timoteo 3:5

Megpelingo-lingo dan menimanem, meneng eked dan pemenal te metolos se Timanem. Pegpekediyò ka diyà kandan.

Tito 1:15

Aw lininisan te Timanem se otaw lekat te salà, wedad melipà diyà kandin. Meneng wedad palos melinis diyà te otaw doen pa salà aw wedà pemenal, so medaet se aneng-aneng dan, aw kenà dan egketaga-taga aw eden se mèpiya aw eden se medaet.

Santiago 4:8

Aw megpedapag kaw diyà te Timanem, megpedapag heman sikandin diyà kenyo. Sikiyo eg-inang te salà, lengà kaw den. Sikiyo otaw egdowa-dowa te kenyo pegpenimanem, ontò niyo den lobosi se pedowan niyo.