Luc. 11:36 - Manobo Sarangani

³⁶ Meneng aw meleseb se pedowan niyo, wedad medaet inangen niyo, so tomalag mèpiya se meinang niyo. Melowa iyan kitaen te doma otaw iling te solò eg-anyag.”

Luc. 11:36 ပူးပေါင်းရင်းမြစ်များ

Mat. 13:52

Minikagi si Jesus, “Aw doen otaw biyasa te kagi te Timanem tapay insolat, aw meg-iling heman sikandin te kaling itoladà ko tepad te peglowan te Timanem, iling sikandin te otaw doen dakel kedònan gayed din eggemiten, pengkey tapay aw kaling.”

Mat. 5:15

Aw menemtem se otaw te solò, eked din iyan sengkobi te gentangan. Meneng mèpiya aw isawol din iyan diyà te kelengkawan amon keenyagan se didalem te balay.

Luc. 11:35

Iling heman kenyan, keilangan megpekeimanday kaw amon kenà medaet se pedowan niyo pengkey aneng-aneng niyo mèpiya se pedowan.

Luc. 11:37

Penga te pegtoladà i Jesus, doen sakop te menge Parisiyo migpekaen kandin. Pegdateng i Jesus doton te balay din, minawop aw kimaen doma din.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

Efeso 4:14

Aw metoman iyan, eked kidon pekeonawa te mengisù. Eked kidon pekeonawa te dagsà eg-ibingen te balud aw gayed ipegpalid te kelamag, so eked kidon pemenal te pengkey eden se itoladà te menge otaw biyasa eg-akal pineokit te kebolalaw dan.

Kolasas 3:16

Keilangan isawol niyo diyà te pedowan niyo se kagi intoladà i Cristo. Pegpetoledaay kaw te kedita te kebenalan, aw pegpesegdahay kaw heman. Pekitai niyo te egpesiontong kaw diyà te Timanem pineokit te pegdelangan niyo diyà kandin.

Menge Hebreo 5:14

Meneng mekekaen se otaw metesan te pengelapen. Metesan den se otaw ontò den biyasa egtaking te mèpiya aw egkulu te medaet.

Santiago 1:25

Mèpiya se punù te Timanem, aw yan se mekepelowà te otaw lekat te salà. Se otaw menenalan kenyan aw eked kelibel kenyan meneng gayed egtolò, yan se otaw egbegayan te Timanem te keluba, pengkey eden se inangen din.

2 Pedro 3:18

Keilangan gayed kaw meg-iling tepad te kèpiya ipegpemegay te Pengolo tadon si Jesu Cristo egpelowà kenitadon. Keilangan meg-iling kaw heman te kebenalan ipetaga-taga din diyà kenyo. Sikandin se iduyun seini aw lamig te wedad temanan. Metoman iyan.