Luc. 11:34 - Manobo Sarangani

³⁴ Komità se otaw pineokit te mata. Aw mèpiya se mata te otaw, melowa se pegtengteng din. Meneng aw medaet se mata, iling te mengitngit se pegtengteng din pengkey aldaw.

Luc. 11:34 ပူးပေါင်းရင်းမြစ်များ

Genesis 19:11

Penga niyan, pineokit te tolos dan, ininang dan bota se kedita te otaw medapag te lelebangan, amon eked dan kità te lelebangan.

Mar. 4:12

amon pengkey tomengteng dan, meneng eked dan kità te kedegdagan niyan. Pengkey domineg dan, meneng eked dan ketaga-taga te kebenalan niyan, so aw mekelabet dan, mengenganay dan diyà kanak aw pegwedaden ko se salà ininang dan.”

Mar. 7:22

aw egkeibeg te kedònan te doma, aw eg-inang te medaet, aw eg-akal, aw wedad yàyà metibayi, aw eg-ingà, aw egbaet-baet, aw egpelangkaw-langkaw, aw wedad inenengen.

Mar. 8:18

Pengkey doen mata niyo, wedà kaw pa kità te kebenalan. Pengkey doen telinga niyo, wedà kaw pa penenalan. Iling te nelibelan niyo se kepelahan ininang ko.

Luc. 11:35

Iling heman kenyan, keilangan megpekeimanday kaw amon kenà medaet se pedowan niyo pengkey aneng-aneng niyo mèpiya se pedowan.

Ininang 13:11

Na, mebota ka te menamay-namay, so ipelumun ka den te Pengolo. Eked ka kità.” Pegketà nebota sikandin. Wedad kinità din. Yan migkawà-kawà sikandin nengemahà te doma otaw meg-agak kandin.

Ininang 2:46

Kelikit te aldaw, netipon se kedita dan doton te dakel simbahan te Jerusalem, aw migbelà-belà dan te pan doton te kandan balay. Neluba se pedowan dan te pegsebad dan pegpengaen.

Ininang 26:18

amon ketegahan dan se kebenalan, amon tomanan dan te kengitngit aw megpesalo dan diyà te kelowahan, amon mekelowà dan lekat te belad i Satanas aw megpesakop dan diyà te Timanem, aw pegwedaden din se salà dan pineokit te pegpemenal dan diyà kanak, amon kinewaen dan heman se ontong ibegay te Timanem diyà te kedita te batà din.’

2 Korinto 1:12

Ontò a neluba, so netegahan ko te ontò metòlid se keogpà ko. Pengkey kenan a pesalo, aw labi pa doton kenyo, metòlid se keogpà ko aw mèpiya heman se tod ko kenà pineokit te kenaken kebiyasa, meneng pineokit te tabang te Timanem kanak.

2 Korinto 11:3

Meneng nelemitan a aw metodà se ibeg niyo tomaking ki Cristo. Iling kenyan se peg-akal i Satanas ki Eva gebii pineokit te peg-akal te memokan kandin.

2 Korinto 4:4

so se menge otaw wedà pemenal, impekagsen i Satanas se olo dan amon eked dan kelebeti se Mèpiya Indan tepad te kelangkaw i Jesu Cristo, so egkitaen se keanyag te Timanem diyà te bawa i Cristo.

Efeso 1:17

Egtawal-tawal a diyà te Timanem simogò te Pengolo tadon si Jesu Cristo, aw sikandin se Timanem Amay ipegduyun tadon. Egpemoyò a diyà kandin te tebangan kaw din pineokit te Espiritu Santo, amon megkebiyasa kaw, aw amon metaga-taga kaw heman te Timanem.

Efeso 6:5

Sikiyo menge allang, keilangan ontò kaw tomolò te amo niyo dini lanto te tanà. Keilangan megsagman kaw kandan, aw melobos se pedowan niyo kandan, onawa te pegtolò niyo ki Cristo.

Kolasas 3:22

Na, sikiyo menge allang, keilangan ontò kaw tomolò te amo niyo dini lanto te tanà, pengkey eden se punù dan kenyo. Keilangan gayed kaw tomolò, kenà olò dalem te pegtengteng te amo niyo, so kenà olò otaw se keilangan kelubahan niyo. Meneng keilangan melobos se pedowan niyo diyà kandan tandà te pegsagman niyo te Pengolo tadon.